‘చెయ్యి చూశావా ఎంత రఫ్‌గా ఉందో.. రఫ్ ఆడించేస్తాను’.. కెరీర్‌లో గోల్డెన్ హిట్‌గా మిగిలిన ‘గ్యాంగ్ లీడర్’ సినిమాలోనిది ఈ డైలాగ్. అప్పట్లో ఇదొక సెన్సేషన్. ఇప్పటికీ ఈ డైలాగ్ మెగాస్టార్ అభిమానుల నోట్లో నానుతూనే ఉంటుంది. ఇదొక్కటేనా.. ‘కొంచెం ఫేస్ టర్నింగ్ ఇచ్చుకో’, ‘అంతొద్దు.. ఇదిచాలు’, ‘రాననుకున్నారా? రాలేననుకున్నారా?’, ‘టంగు తెగుద్ది’ వంటి బుల్లెట్ల లాంటి పంచ్ డైలాగులు ఎన్నో ఇంకా తెలుగు సినీ ప్రేమికులకు గుర్తే ఉన్నాయి. ఇవన్నీ ఇప్పుడెందుకు అంటారా? ఇప్పుడే కావాలి.. ఎందుకంటే నేడు మెగాస్టార్ చిరంజీవి పుట్టినరోజు కాబట్టి. మెగాస్టార్ చిరంజీవి నేడు 64వ పుట్టినరోజును జరుపుకుంటున్నారు. ఈ సందర్భంగా ఆయనకు అభిమానులతో పాటు టాలీవుడ్ సెలబ్రిటీలు పుట్టినరోజు శుభాకాంక్షలు తెలుపుతున్నారు. ఇప్పటికే సీనియర్ నటి రాధిక, రామ్ చరణ్, అల్లు అర్జున్, మంచు మనోజ్, సుధీర్ బాబు, సునీల్, వెన్నెల కిషోర్ దర్శకుడు గోపీచంద్ మలినేని, సంగీత దర్శకుడు దేవీ శ్రీ ప్రసాద్, తదితరులు శుభాకాంక్షలు తెలియజేశారు. ఇంకా ఎంతో మంది చేస్తూనే ఉన్నారు. ప్రస్తుతం ట్విట్టర్‌లో #HBDMegaStarChiranjeevi టాప్ ట్రెండ్. సెలబ్రిటీలు చేసిన విషెస్ ట్వీట్స్ అన్నింటిలోనూ మంచు మనోజ్ చేసిన ట్వీట్ చాలా ఆసక్తికరంగా ఉంది. ‘‘వన్ అండ్ ఓన్లీ మెగాస్టార్ చిరంజీవి గారికి పుట్టినరోజు శుభాకాంక్షలు. మీ చెయ్యి ఇంకా రఫ్‌గానే ఉంది. సైరాతో మళ్లీ రఫ్ ఆడించేయండి’’ అని మనోజ్ ట్వీట్‌లో పేర్కొన్నారు. ఇక అల్లు అర్జున్ ట్వీట్ చేస్తూ.. ‘‘నా జీవితంలో ఒకేఒక్క మెగాస్టార్‌కి పుట్టినరోజు శుభాకాంక్షలు. ఈయన కేవలం సినిమా స్టార్ మాత్రమే కాదు అంతకన్నా ఒక మంచి వ్యక్తి. నేను ఇంత వరకు చూసినవారిలో అత్యంత వినయవిధేయతలు కలిగిన వ్యక్తి. ఈ దిగ్గజం నుంచి ఎంతో నేర్చుకున్నాను.. ఇప్పటికీ నేర్చుకుంటూనే ఉన్నాను. మా నరసింహారెడ్డికి సైరా’’ అని అల్లు అర్జున్ ట్వీట్ చేశారు. సెలబ్రిటీలు చేసిన మరిన్ని ట్వీట్లు..
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2ZirhV8
No comments:
Post a Comment