‘ఎవరు’కి అల్లు అర్జున్ ప్రశంస.. అడివి శేష్ స్పందన అదిరింది

అడివి శేష్, రెజీనా, నవీన్ చంద్ర, మురళి శర్మ ప్రధాన పాత్రల్లో నటించిన చిత్రం ‘ఎవరు’. వెంకట్ రామ్‌జీ దర్శకత్వం వహించారు. పీవీపీ సినిమా బ్యానర్‌పై పెర్ల్ వి. పొట్లూరి, పరమ్ వి. పొట్లూరి, కావిన్ అన్నె నిర్మించారు. శ్రీచరణ్ పాకాల సంగీతం సమకూర్చారు. ఈ సస్పెన్స్ థ్రిల్లర్ ఆగస్టు 15న ప్రేక్షకుల ముందుకు వచ్చింది. తొలి రోజు నుంచే పాజిటివ్ టాక్‌ను సొంతం చేసుకున్న ‘ఎవరు’ బ్లాక్ బస్టర్ దిశగా దూసుకెళ్తోంది. సినిమా చూసిన ప్రతి ఒక్కరు అద్భుతం అంటూ కొనియాడుతున్నారు. విమర్శకులు సైతం ప్రశంసల వర్షం కురిపించారు. ఇప్పుడు ఈ జాబితాలో స్టైలిష్ స్టార్ చేరారు. ప్రస్తుతం త్రివిక్రమ్ దర్శకత్వంలో ‘అల.. వైకుంఠపురములో..’ చిత్రంలో నటిస్తోన్న బన్నీ.. ఆదివారం ‘ఎవరు’ సినిమాను చూశారు. ఈ సినిమా ఆయన తెగ నచ్చేసింది. ఇదే విషయాన్ని బన్నీ ట్విట్టర్ ద్వారా వెల్లడించారు. ‘ఎవరు’ టీమ్‌కి అభినందనలు తెలిపారు. ‘‘ఎవరు టీం మొత్తానికి అభినందనలు. గత రాత్రి ఈ సినిమాను చూశాను. ఇది ట్విస్టులు, టర్న్‌లుతో కూడిన అద్భుతమైన మర్డర్ మిస్టరీ మూవీ. నిజంగా సినిమా చాలా బాగుంది. కథ, కథనం, సాంకేతిక విలువలు అద్భుతం. శేష్ వరుసగా చాలా మంచి సినిమాలను అందిస్తున్నారు. దీన్ని కచ్చితంగా హ్యాట్రిక్ అని చెప్పాలి. రెజీనా కాసాండ్ర, నవీన్ చంద్ర, మురళీ శర్మ గారు, ఇతర నటీనటులు అద్భుతంగా నటించారు. పీవీపీ గారికి, కెప్టెన్ వెంకట్ రామ్‌జీకి అభినందనలు’’ అని ట్వీట్‌లో బన్నీ పేర్కొన్నారు. అల్లు అర్జున్ ట్వీట్‌కు స్పందించారు. బన్నీ తనను ప్రోత్సహిస్తున్న తీరుపై ఆయన ఆనందం వ్యక్తం చేశారు. ‘‘ప్రియతమ సోదరుడు అల్లు అర్జున్, మీ ప్రోత్సాహంతో ‘క్షణం’ సినిమాను లక్షలాది మంది ప్రజలకు చేరువయ్యేలా చేశారు. మళ్లీ ఇప్పుడు ‘ఎవరు’ సినిమాను సపోర్ట్ చేశారు. మీ ప్రోత్సాహం కారణంగా మా సినిమా ఇప్పుడు మీ ఫ్యాన్స్‌తో పాటు ప్రపంచ వ్యాప్తంగా ఉన్న లక్షలాది ప్రేక్షకులకు చేరువవుతుంది. ఒక సోదరుడిలా నన్ను ప్రోత్సహిస్తున్నందుకు మీకు కృతజ్ఞతలు’’ అని అడివి శేష్ ట్వీట్ చేశారు.

from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2YWuAC5