Sreemukhi Bigg Boss: శ్రీముఖి ఆర్మీ.. బిగ్ బాస్ స్టార్ట్ కాకుండానే మొదలైన రచ్చ

దున్నపోతు ఈనింది అంటే.. కన్నె (తాడు) తీస్కురా.. కట్టేద్దాం అన్నాడట వెనకటికి ఎవడో. సేమ్ టు సేమ్ ఇలాగే ఉంది ఈ ముచ్చట. గత రెండు సీజన్లుగా బుల్లి తెర ప్రేక్షకుల్ని ఎంటర్‌టైన్ చేస్తున్న బిగ్ బాస్.. త్వరలో సీజన్ 3 ప్రారంభం కానుంది. హోస్ట్‌గా కింగ్ నాగార్జున వస్తుండటంతో బుల్లితెర ప్రేక్షకుల్లోనే కాకుండా వెండితెర ప్రేక్షకుల్లోనూ అమితాసక్తి ఏర్పడింది. ఇక సీజన్ 2లో కంటెస్టెంట్స్ వీక్ అనే మైనెస్‌ను చెరిపేందుకు ఖతర్నాక్ లాంటి 14 మంది కంటెస్టెంట్స్‌ను బిగ్ బాస్ హౌస్‌లో దించబోతోంది స్టార్ మా. వీరు వంద రోజుల పాటు బిగ్ బాస్ హౌస్‌లో ఫుల్ ఎంటర్‌టైన్ చేయబోతున్నారు. ఈ 14 మంది కంటెస్టెంట్స్ ఎవరన్న దానిపై ఉత్కంఠ కొనసాగుతోంది. అయితే ఈ 14 మందిలో ప్రముఖంగా వినిపిస్తున్న పేరు యాంకర్ . ఇటీవల పటాస్ షోకి రాం రాం పాడేసిన ఈ బోల్డ్ యాంకర్.. సోషల్ మీడియాలో హాట్ హాట్ ఫొటోలను షేర్ చేస్తూ హాట్ టాపిక్ అయ్యింది. Read Also: భారీ శరీరాన్ని సగానికిపైగా తగ్గించుకుని నాజూకుగా మారిన శ్రీముఖి.. ఈ మేకోవర్ అంతా బిగ్ బాస్ కోసమే అంటూ బయట పెద్ద ఎత్తున ప్రచారం నడుస్తోంది. ఇప్పటికే బిగ్ బాస్‌లో శ్రీముఖి అనే వార్త హల్ చేస్తుండటంతో ఆమె పేరుతో అప్పుడే ఆర్మీలు కూడా ప్రారంభించేయడం కొసమెరుపు. గత సీజన్‌లో సాధారణ సెలబ్రిటీగా బిగ్ బాస్ హౌస్‌లో అడుగుపెట్టిన కౌశల్‌ని సీజన్ 2 విన్నర్‌ని చేసింది ‘కౌశల్ ఆర్మీ’నే. కౌశల్‌కి సంబంధించిన ప్రతి విషయాన్ని సోషల్ మీడియాలో ‘కౌశల్ ఆర్మీ’ పేరుతో షేర్ చేస్తూ కౌశల్‌కి ఫుల్ క్రేజ్ తీసుకువచ్చారు. మరో వైపు మిగతా సెలబ్రిటీల ఇమేజ్‌ని డ్యామేజ్ చేయడంలో పక్కా ప్లాన్ వర్కౌట్ చేసి సక్సెస్ అయ్యింది కౌశల్ ఆర్మీ. అయితే ఈ ఆర్మీ కోసం కౌశల్ అంతా ముందే సెట్ చేసుకుని బిగ్ బాస్ హౌస్‌కి వెళ్లారని.. ఆయన హౌస్‌కి వెళ్లిన తరువాత కౌశల్ భార్య నీలిమ ఆర్మీ బాధ్యతల్ని మోసారంటూ ప్రచారం నడించింది. ఇందులో వాస్తవం ఎంతన్నది ఎవరికీ తెలియదు కాని.. కౌశల్ బిగ్ బాస్ విన్నర్ కావడంతో ఈ ఆర్మీ కీలకం అయ్యిందన్నది వాస్తవం. ఇప్పుడు ఇదే తరహాలో కొత్తగా సోషల్ మీడియాలో ‘శ్రీముఖి ఆర్మీ’ ఏర్పడింది. అసలు శ్రీముఖి బిగ్ బాస్ హౌస్‌లో వెళ్తుందా? లేదా? అన్న విషయంపై సందిగ్ధత వీడక ముందే ‘శ్రీముఖి ఆర్మీ’ ఏర్పడటం సోషల్ మీడియా హాట్ టాపిక్‌గా మారింది. ఈలెక్కన బిగ్ బాస్ హౌస్‌లో శ్రీముఖి హంగామా దాదాపు ఖాయంగానే కనిపిస్తుంది. అన్నట్టు.. శ్రీముఖి కోసం ఏకంగా యాభై లక్షలు రెమ్యూనరేషన్ ఇచ్చిందట స్టార్ మా. అందుకే తనకు ఎంతో క్రేజ్ తీసుకువచ్చిన పటాస్‌ షోని వదిలేసిందట శ్రీముఖి. వీటిలో వాస్తవం ఎంతన్నది జూలై 21 నాటికి తేలిపోనుంది. ఆరోజే బిగ్ బాస్ సీజన్ 3 ప్రారంభమయ్యే అవకాశం ఉంది.

from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2Jr8jSd