తెలుగు ప్రేక్షకులతో పాటు యావత్తు భారతదేశ వ్యాప్తంగా ఉన్న సినీ ప్రేమికులు ఆసక్తిగా ఎదురుచూస్తోన్న సినిమా ‘సాహో’. ‘బాహుబలి’ సిరీస్ తరవాత నటించిన సినిమా కావడంతో దీనిపై భారీగా అంచనాలు ఏర్పడ్డాయి. ఆ అంచనాలకు ఎక్కడా తగ్గకుండా ‘సాహో’ భారీ ఎత్తున నిర్మిస్తున్నారు. సుజీత్ దర్శకత్వం వహిస్తోన్న ఈ సినిమా ఒకేసారి తెలుగు, హిందీ, తమిళం, మలయాళంలో తెరకెక్కుతోంది. హై ఓల్టేజ్ యాక్షన్ ఎంటర్‌టైనర్‌గా నిర్మితమవుతోన్న ఈ చిత్రం ఆగస్టు 15న ప్రేక్షకుల ముందుకు వచ్చేందుకు సిద్ధమవుతోంది. ఇదిలా ఉంటే, ఈ సినిమా ప్రచార కార్యక్రమాల్లో భాగంగా తొలి పాటను తాజాగా విడుదల చేశారు. ‘సైకో సైయా’ అంటూ సాగే ఈ పాట చాలా స్టైలిష్‌గా ఉంది. ఇదొక క్లబ్ సాంగ్. ఇప్పటికే ఈ పాట టీజర్‌ను విడుదల చేశారు. అది ఆసక్తికరంగా ఉండటంతో పూర్తి వీడియో సాంగ్ కోసం ప్రభాస్ అభిమానులు ఆత్రుతగా ఎదురుచూశారు. మొత్తానికి సోమవారం ఉదయం ఈ వీడియో సాంగ్‌ను యూట్యూబ్‌లో అందుబాటులోకి తెచ్చారు. హిందీ, తెలుగు, తమిళం, మలయాళం భాషల్లో ఒకేసారి విడుదల చేశారు. బాలీవుడ్ కంపోజర్ తనిష్క్ బాగ్చి ఈ పాటను స్వరపరిచారు. తెలుగులో అనిరుధ్ రవిచందర్, ధన్వి భనుశాలి, తనిష్క్ బాగ్చి ఆలపించారు. శ్రీజో రిలిక్స్ అందించారు. కాగా, ఈ సినిమాను టి-సిరీస్ అధినేతలు గుల్షన్ కుమార్, భూషన్ కుమార్ సమర్పణలో యూవీ క్రియేషన్స్ పతాకంపై వంశీ, ప్రమోద్ అత్యంత భారీగా నిర్మిస్తున్నారు. ‘సాహో’ సినిమాను అత్యధికంగా విదేశాల్లో చిత్రీకరించారు. హైదరాబాద్, ముంబైతో పాటు అబుదాబి, దుబాయ్, రొమానియా, ఆస్ట్రియాతో పాటు యూరప్‌లోని పలు ప్రాంతాల్లో షూటింగ్ చేశారు. సుధీర్ఘ కాలంగా షూటింగ్ జరుపుకుంటోన్న ఈ చిత్రం కోసం ప్రభాస్ అభిమానులు ఆత్రుతగా ఎదురుచూస్తున్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2XVaWow
No comments:
Post a Comment