‘నిను వీడని నీడను నేనే’ అంటూ ప్రేక్షకుల్ని థ్రిల్ చేసేందుకు హారర్ అండ్ థ్రిల్లర్ చిత్రంతో నేడు (జూలై 12) ప్రేక్షకుల ముందుకు వచ్చారు సందీప్ కిషన్. ఇప్పటి వరకు హీరోగా సత్తాచాటిన ఇప్పుడు నిర్మాతగా తన అదృష్టాన్ని పరీక్షించుకోబోతున్నారు. ఆయన హీరోగా నటిస్తూ, నిర్మిస్తున్న చిత్ర ప్రమోషన్స్‌ను వినూత్నంగా చేసి మూవీకి హైప్ తీసుకువచ్చారు. ఈ చిత్రాన్ని విస్తా డ్రీమ్ మర్చంట్స్‌తో కలిసి సందీప్ కిషన్ నిర్మాణ సంస్థ వెంకటాద్రి ఎక్స్‌ప్రెస్ (ప్రొడక్షన్ నంబర్ 1), వి స్టూడియోస్‌ సంయుక్తంగా నిర్మిస్తున్నాయి. దయా పన్నెం, విజి సుబ్రహ్మణ్యన్, సందీప్ కిషన్ నిర్మాతలు. కార్తీక్ రాజు దర్శకత్వం వహించగా.. సందీప్ కిషన్ సరసన అన్యా సింగ్ కథానాయికగా నటించింది. ఏకే ఎంటర్‌టైన్మెంట్స్ పతాకంపై ప్రముఖ నిర్మాత అనిల్ సుంకర చిత్రాన్ని సమర్పిస్తున్నారు. వెన్నెల కిషోర్, పోసాని క్రిష్ణమురళి, మురళీ శర్మ, పూర్ణిమ భాగ్యరాజ్, ప్రగతి, రాహుల్ రామక్రిష్ణ ప్రధాన పాత్రలు పోషించారు. ఎస్.ఎస్.తమన్ సంగీతం సమకూర్చారు. ‘400 సంవత్సరాల క్రితం గ్రీస్ పక్కన ఒక గ్రామంలో ఓ చిన్నపిల్లవాడికి అద్దంలో ఒక పెద్దాయన రూపం కనిపించింది. ఆ ఊరివాళ్లు భయంతో ఆ పిల్లవాడిని చంపేశారు. చదివిన విషయాన్ని ఇప్పుడు నేరుగా చూస్తూన్నాను’ అంటూ టీజర్‌తోటే ఇంట్రస్ట్ క్రియేట్ చేసిన సందీప్ కిషన్ ఈ చిత్రంలో ఓ ప్రయోగాత్మక పాత్రలో కనిపిస్తున్నారు. సందీప్ కిషన్ అద్దంలో చూసుకున్నప్పుడు అతని రూపం వెన్నెల కిషోర్‌లా కనిపిస్తోంది. ఇదే అతని లోపం. ఇలాంటి ఆసక్తికరమైన స్టోరీ లైన్‌ని సందీప్ కిషన్ ఎలా ప్రజెంట్ చేశారనేది తెరపై చూడాల్సిందే. కాగా.. ‘నిను వీడని నీడను నేనే’ చిత్రం ఫస్ట్ టిక్కెట్‌ను ప్రభాస్‌కి అందచేయడంతో డార్లింగ్ అభిమానులు సైతం ఈ మూవీ ప్రమోట్ చేస్తూ ట్విట్టర్‌లో ట్వీట్స్ మోత మోగిస్తున్నారు. ఇక పలువురు ఇండస్ట్రీ ప్రముఖులు సైతం ఈ చిత్రానికి విషెష్ అందిస్తూ ట్వీట్స్ చేస్తున్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2YNeIgY
No comments:
Post a Comment