కామెడీ షోల యందు కామెడీ వేరయా.. అన్నంతగా జనంలోకి వెళ్లిపోయింది ఈటీవీలో ప్రసారం అవుతోన్న జబర్దస్త్ కామెడీ షో. గురు, శుక్రవారాలు వచ్చాయంటే ఎక్స్ ట్రా ఫన్ కోసం కామెడీ లవర్స్ ఎంతగానో ఎదురుచూస్తున్నారు. ఇక యూట్యూబ్‌లోనూ జబర్దస్త్ వీడియోలకు వ్యూస్ మిలియన్ల కొద్దీ వచ్చి పడుతున్నాయి. పటాస్‌లా పేలే పంచ్‌‌లకు రివర్స్ పంచ్‌లు.. రకరకాల గెటప్‌లతో వెర్రి వెంగళప్పల‌వ్వ‌డం.. మధ్య మధ్యలో యాంకర్ పైనా పేలిపోయే పంచ్‌లు వేయడం.. ఇలా ఒక‌టేమిటీ అన్నీ ఫ‌న్నీగానే ఉంటాయి. కామెడీలో భాగంగా షో జ‌డ్జ‌ెస్‌ని కూడా వ‌దిలిపెట్ట‌రు టీమ్ లీడ‌ర్స్‌. వాళ్ల‌కి కూడా డైలాగ్స్ రాసి స్కిట్‌లో భాగం చేస్తారు. ఇక యాంకర్ విష‌యానికి వ‌స్తే... ఆట‌ప‌ట్టించ‌డం.. పాట‌కు 'ఆట'క‌ట్టించ‌డం ష‌రా మామూలే. ఒక‌డు 'మ‌మ్మీ..' అంటూ సంతూర్ యాడ్ ఇచ్చి న‌వ్విస్తే.. మ‌రొక‌డు అందాన్ని పొగుడుతూ ఆర్ ఆర్‌లు వేసి మరీ న‌వ్విస్తాడు. తాజాగా వచ్చే గురువారం ప్రసారం కాబోతున్న బజర్దస్త్‌కి సంబంధించిన ప్రోమోను విడుదల చేశారు. ఇందులో యాంకర్ అనసూయ అందంపై పొగడ్తల వర్షం కురిసింది. Read Also: ఆ వివరాళ్లోకి వెళ్తే.. 'ఆడ‌వాళ్లంతా మంచివాళ్లే కానీ పెళ్లాలే చెడ్డ‌వాళ్లు' అని తేల్చి చెప్పే హైప‌ర్ ఆది ఈ సారి కూడా పెళ్లాల‌నే టార్గెట్ చేశాడు. 'ఏమండీ మీకోసం నా హృద‌యంలో తాజ్‌మ‌హ‌ల్ క‌ట్టాను తెలుసా' అని భార్య అన్న‌మాట‌ల‌కు.. ''మ‌రి ఆగ్రాలో షాజ‌హాన్ క‌ట్టిందేంటి ఇనార్బిట్ మాలా?'' అంటూ కౌంట‌ర్‌తో కామెడీ చేస్తాడు. 'ఏమండీ ఒక్క‌సారి న‌న్ను స‌రిగా చూడండీ...' అన్న భార్య‌తో... ''సెల‌వులు త‌ర్వాత స్కూల్‌కి వెళ్లే పిల్ల‌ల ముఖం.. ఈ పెళ్లాల ముఖం అస్స‌లు చూడ‌లేమండీ'' అంటూ సెటైరిక‌ల్ పంచ్ వేస్తాడు. Read Also: శాంత కుమార్ ప‌ది మంది పిల్ల‌ల్ని కంటాడు. పిల్ల‌న్ని పెంచ‌డం గురించి భార్య బాధ‌పడుతుంటే.. నారు పోసినోడు నీరు పొయ్య‌క‌పోతాడా? అని స‌ముదాయిస్తాడు. ఆ త‌ర్వాత రాకెట్ రాఘ‌వ దేవుడిలా ప్ర‌త్య‌క్షమై.. ''అంత‌మందిని ఎవ‌రు క‌న‌మ‌న్నార్రా? మ‌ళ్లీ.. 'నారు పోసినోడు నీరు పొయ్య‌క‌పోతాడా? చ‌పాతీ చేసినోడు కుర్మా చెయ్య‌లేడా? ఆకు వేసినోడు అన్నం పెట్ట‌లేదా?' అంటూ పాచిపోయిన డైలాగ్స్ చెబుతావేంట్రా'' అంటూ కొట్ట‌డం బాగా నవ్వుతెప్పిస్తోంది. ''నా జాత‌కం ప్ర‌కారం గురువారం మ‌గాడు డాన్స్ చేస్తుంటే ప‌క్క‌న బ‌రువు ఉండ‌కూడ‌దే..'' అంటాడు అభి భార్య‌తో... ''మ‌రి అక్క‌డ అనసూయ ఉందిగా?'' అని అడుగుతుంది అభి భార్య. ''అనసూయ బ‌రువు కాదు.. మ‌ల్లెపువ్వు. లైట్‌ వెయిట్‌..'' అంటూ తెగ పొగుడుతాడు అభి. దాంతో మెలిక‌లు తిరుగుతుంది అనుసూయ. ''ఏది మ‌ల్లెపువ్వు అయితే నాతో డాన్స్‌కి ర‌మ్మ‌నండీ...'' అంటూ పిలుస్తుంది అభి భార్య. దాంతో అనసూయ ''సై'' అంటుంది. 'కన్నులతో చూసేది... గురువా... కనులకు సొంతమౌనా' అంటూ సాంగ్ ప్లే అవుతుంటే.. అనసూయ హొయ‌లుపోతూ నాట్యం చేస్తుంది. అనసూయ ప‌క్క‌నే గొరిల్లా ఎగిరిన‌ట్లుగా ఎగురుతుంది అభి భార్య. ఆ సీన్ చూసి పిచ్చ‌పిచ్చ‌గా న‌వ్వుతారు నాగ‌బాబు, రోజాలు. మొత్తానికి రాబోయే గురువారానికి క‌డుపు చెక్క‌ల‌య్యే కామెడీ సిద్ధ‌మైన‌ట్లేన‌న్న‌మాట.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2Yb8U45
No comments:
Post a Comment