విజయ్ దేవరకొండ తమ్ముడు ఆనంద్ దేవరకొండ, జీవిత రాజశేఖర్ కూతురు శివాత్మిక రాజశేఖర్ డెబ్యూ మూవీ ‘దొరసాని’ శుక్రవారం నాడు (జూలై 12) విడుదలై పాజిటివ్ రెస్పాన్స్‌ని రాబట్టింది. తెలంగాణ గ్రామీణ నేపథ్యంలో ప్యూర్ లవ్ స్టోరీని తెరకెక్కించారు దర్శకుడు కేవీఆర్ మహేంద్ర. తొలిచిత్రంతో ఆనంద్ దేవరకొండకు మంచి మార్కులే పడగా.. హీరోయిన్ శివాత్మిక మెచ్యూర్డ్ నటనతో అరంగేట్రంలోనే అదరగొట్టింది. ఈ చిత్రాని పాజిటివ్ టాక్ రావడంతో చిత్ర యూనిట్ ఆనందం వ్యక్తం చేస్తుండగా.. కలెక్షన్లు మాత్రం డల్‌గానే ఉన్నాయి. టాక్ బాగుండటంతో ఆక్యుపెన్సీని పెంచుకుని వీకెండ్‌లో ‘దొరసాని’ పుంజుకునే అవకాశాలు కనిపిస్తున్నాయి. ఇదిలా ఉండగా.. ‘దొరసాని’ సినిమాను టార్గెట్ చేస్తూ సంచలన కామెంట్స్ చేసింది వివాదాస్పద నటి శ్రీరెడ్డి. శివాత్మిక తల్లి జీవితతో ఉన్న పాత వైరాన్ని ‘దొరసాని’ చిత్ర రిలీజ్ సందర్భంగా గుర్తు చేసుకుని.. గతంలో ఇండస్ట్రీకి సంబంధించి జీవిత చేసిన కామెంట్స్‌పై వ్యంగ్యాస్త్రాలు సంధించింది శ్రీరెడ్డి. ఈ సందర్భంగా.. ‘సినిమాల్లో లిప్ లాక్‌లు ఒకరి మీద ఒకరు పడటాలు ఎక్కువైపోతున్నాయి.. బెడ్ రూంలో చేయాల్సిన పనులు రోడ్ మీద చేస్తామా’ అంటూ జీవిత చేసిన కామెంట్స్‌ని గుర్తు చేస్తూ నాటి వీడియోను షేర్ చేసింది. ‘జీవిత గారూ ఇది మీకు గుర్తుందా’ అంటూ ఈ వీడియో వదిలింది శ్రీరెడ్డి. మరోపోస్ట్‌లో ‘దొరసాని’ సినిమా హిట్టా? ఫ్లాపా? శివాత్మిక రాజశేఖర్‌ని కిస్ చేశాడట ఆనంద్ దేవరకొండ. ఈ టాపిక్‌పై ఫేస్ బుక్‌ లైవ్‌లోకి వస్తున్నా అంటూ పోస్ట్ వదిలింది శ్రీరెడ్డి. ‘జీవిత గారు నీ కూతురు దగ్గరకి వచ్చేసరికి ఎన్ని పత్తిత్తు కబుర్లు చెప్తున్నారో ఒకసారి తవ్వుకుందాం .. మీరెలాగూ మూవీ అసోషియేషన్ కార్డుకి అడ్డం పడుతున్నారని తెల్సు.. స్టిల్ మాట్లాడతా’ అంటూ సంచలన కామెంట్స్ చేసింది శ్రీరెడ్డి. ఇంతకీ శ్రీరెడ్డి చెప్పొచ్చేదేంటంటే.. ‘దొరసాని’ సినిమాలో లిప్ లాక్ ఉంది? అవి తప్పు అనే మీరు మీ కూతురు సినిమాలో లిప్ లాక్‌కి ఎలా ఒప్పకున్నారంటూ ఫైర్ అవుతోంది. వాస్తవానికి ‘దొరసాని’ సినిమాలో లిప్ లాక్ ఉంది కాని.. అది కథలో భాగం.. కీలకం కూడా. ఇద్దరు ప్రేమికులు కామంతో ముద్దు పెట్టుకోవడం వేరు.. ఒకరికొకరు కావాలని ముద్దు పెట్టుకోవడం వేరు. ఇందులో ఆ ముద్దుతోటే హీరోయిన్ పాత్రను చాలా పవర్‌ఫుల్ అన్నట్టుగా కన్‌వే చేశారు దర్శకుడు. ‘నీలో నేను భాగం.. నీకంటే నాకు ఈ దొరతనం ఎక్కువ కాదు’ అనే విషయాన్ని ఈ ఒక్క ముద్దుతో చెప్పించగలిగి ఆ పాత్రపై గౌరవం కలిగేలా చేసి సెన్సిబుల్ డైరెక్టర్ అనిపించుకున్నారే తప్ప.. అందులో ఎక్కడా బోల్డ్ అనేది కనిపించదు. బహుషా సినిమా చూసిన ప్రేక్షకుడు ఇదే భావనతో థియేటర్‌లో ఆ సీన్‌ని ఎంజాయ్ చేస్తారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2O2IeOK
No comments:
Post a Comment