మరణంతో షాక్‌లో ఉన్న సూపర్ స్టార్ కృష్ణ.. ఆ బాధలో నుండి కోలుకోలేకపోతున్నారు. 76 ఏళ్ల వయసులో ఉన్న ప్రతి అవసరానికి భార్య విజయనిర్మల పక్కన ఉండాల్సిందే. ఎంతో అన్యోన్యంగా తనతో జీవితం పంచుకున్న భార్య తన పక్కన లేకపోవడంతో కుమిలిపోతున్నారు సూపర్ స్టార్ కృష్ణ. బాలనటిగా.. దర్శకురాలిగా, నిర్మాతగా తెలుగు సినీ రంగానికి ఎనలేని సేవలందించిన విజయ నిర్మల జూన్‌ 27న కాంటినెంటల్‌ హాస్పిటల్‌ చిక్సిల్ పొందుతూ మరణించిన విషయం తెలిసిందే. ఆమె సంతాప సభను శనివారం నాడు హైదరాబాద్‌లోని శేరిలింగంపల్లి సంధ్యా కన్వెన్షన్‌లో నిర్వహించారు. ఈ కార్యక్రమంలో విజయనిర్మల కుటుంబ సభ్యులు సూపర్ కృష్ణ, నరేష్‌, నమ్రత, బాలక్రిష్ణ, జయసుధ, మురళీమోహన్‌లతో పాటు టాలీవుడ్‌కి చెందిన నటీనటులు, దర్శకులు, నిర్మాతలు ఇతర సాంకేతిక నిపుణులు పాల్గొని నివాళులర్పించారు. ఈ కార్యక్రమంలో పలువురు విజయనిర్మలను గుర్తుచేసుకున్న సందర్భంలో సూపర్ స్టార్ కృష్ణ భావోద్వేగంతో కన్నీళ్లు పెట్టుకున్నారు. ఈ సందర్భంగా కొంతమంది మీడియా ప్రతినిధులతో విజయనిర్మల ఆరోగ్యం గురించి కొన్ని ఆసక్తికర విషయాలను తెలియజేశారు కృష్ణ. విజయనిర్మలకు జ్ఞాపకశక్తి చాలా ఎక్కువని.. ఎప్పుడో పాతిక సంవత్సరాల క్రితం జరిగిన ప్రతి విషయాన్ని గుర్తుచేస్తుండేదని చెప్పుకొచ్చిన కృష్ణ.. విజయనిర్మల చివరి రోజుల్లో అల్జీమర్స్ సమస్యతో బాధపడిందని దీంతో ఆమెకు జ్ఞాపకశక్తి లోపించిందన్నారు. రెండు మూడు రోజుల ముందు జరిగిన విషయాలు కూడా గుర్తుండేవి కావని.. ఆమె మెదడు పక్క నరం బలహీనం కావడం వల్ల ఆమె ఆరోగ్యం క్షీణించిందని భార్య విజయనిర్మలను గుర్తుచేసుకుని కుమిలిపోయారు కృష్ణ.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/32eNh1V
No comments:
Post a Comment