‘గ్యాంగ్ లీడర్’ ప్రీ లుక్: ఫుల్ క్లారిటీతో నాని

‘గ్యాంగ్ లీడర్’ వచ్చాడు.. అతను రావడమే కాదు.. తన గ్యాంగ్ మొత్తాన్ని తీసుకుని వచ్చాడు.. గ్యాంగ్ అంటే మెగాస్టార్ చిరంజీవి ‘గ్యాంగ్ లీడర్’ సినిమాలో మాదిరి గ్యాంగ్ కాదు.. ఇది వేరే గ్యాంగ్. పాంచ్ పటాకా లాంటి ఐదుగురు ఆడవాళ్ల గ్యాంగ్. ఆ గ్యాంగ్‌కి ‘గ్యాంగ్ లీడర్’ నేచురల్ స్టార్ . నేచురల్ స్టార్ నాని 24 మూవీ చిత్రానికి ‘గ్యాంగ్ లీడర్’ టైటిల్ కన్ఫామ్ చేస్తూ ప్రీ లుక్ పోస్టర్‌ను విడుదల చేశారు. విక్రమ్‌ కె కుమార్‌ దర్శకత్వంలో తెరకెక్కుతున్న ఈ సినిమాను మైత్రీ మూవీ మేకర్స్‌ బ్యానర్‌‌పై తెరకెక్కిస్తున్నారు. ఇప్పటికే ఈ మూవీ షూటింగ్ మేజర్ పార్ట్ పూర్తి కావడంతో ప్రమోషన్స్‌ను వినూత్నంగా మొదలుపెట్టారు. తాజాగా విడుదలైన ఫస్ట్ లుక్‌లో ‘గ్యాంగ్ లీడర్’ గ్యాంగ్‌లోని సభ్యులు మాత్రమే కనిపిస్తూ ఆయ వయసులను తెలియజేస్తూ సింబాలిక్‌గా ఉంది. ఇక ఈ మూవీ ప్రమోషన్స్‌ను మరింత వేగవంతం చేస్తూ.. ఈనెల 15న ఫస్ట్ లుక్, 18న ఫస్ట్ సాంగ్, 24న టీజర్‌ను విడుదల చేయనున్నారు. ఈ లెక్కన నేటి నుండి ‘గ్యాంగ్ లీడర్’ సందడి మొదలైనట్టే. ఈ చిత్రంలో ఆర్ ఎక్స్ 100 ఫేమ్ కార్తీకేయ ప్రతి నాయకుడి పాత్రలో నటిస్తుండగా.. నానికి జోడీగా ప్రియాంక అరుల్ మోహన్ నటిస్తోంది. ఇక నాని గ్యాంగ్‌‌లో ఎవరెవరు ఉండబోతున్నారంటే.. ‘ఓ చిన్న పాప.. కూతురు వయస్సు ఎనిమిదేళ్లు ఉంటాయి. ఓ టీనేజ్ అమ్మాయి.. చెల్లెల వయసు 17 ఏళ్లు. మూడో అమ్మాయికి 22 ఏళ్లు కత్తిలా ఉంటుంది. నాలుగో అమ్మాయి.. అమ్మాయి కాదు అమ్మ.. చూడగానే చేతులెత్తి మొక్కాలనిపిస్తుంది. ఆమెకు ఒక యాభై ఏళ్లు ఉంటాయి. చివరకు ఒక నానమ్మ.. ముసలామె కాటికి కాళ్లు చాపేసింది. దేవుడి కాల్ కోసం వెయిటింగ్ ఆమెకు ఒక 80 ఏళ్లు ఉంటాయి. టోటల్‌గా వీళ్ల లైఫ్, ఏజ్ చూస్తుంటే.. పుట్టుక నుండి చావు వరకూ ఉండే లైఫ్ సైకిల్‌లా అనిపిస్తుంది. మోస్ట్ ఇంపార్టెంట్ ఏంటంటే.. ఈ ఐదుగురు ఆడవాళ్ల గ్యాంగ్ వెనకాల ఒకడు ఉన్నాడు సార్.. ఐదువేళ్లకి సపోర్ట్ ఇచ్చే అరచేతిలా.. పంచపాండవులకు శ్రీక్రిష్ణుడులా.. వాడెవడో.. ఎలా ఉంటాడో చూడాలంటే మాత్రం ఫస్ట్ లుక్ రిలీజ్ అయ్యేంతవరకూ వేచి చూడాల్సిందే.

from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2GdiU2t