హీరో నందమూరి ఇప్పటికే ‘మంచి లక్షణాలున్న అబ్బాయి’ అనిపించుకున్నారు. ఇప్పుడు ‘ఎంత మంచివాడవురా!’ అనిపించుకుంటున్నారు. కళ్యాణ్ రామ్ ఇటీవల తన 17వ సినిమాను ప్రకటించిన సంగతి తెలిసిందే. ‘శతమానం భవతి’ ఫేమ్ వేగేశ్న సతీష్ దర్శకత్వంలో ఈ సినిమా చేస్తున్నారు. మెహ్రీన్ హీరోయిన్. గోపీసుందర్ సంగీతం సమకూరుస్తున్నారు. ఆదిత్య మ్యూజిక్ ఇండియా (ప్రైవేట్) లిమిటెడ్ అధినేత ఉమేష్ గుప్త సమర్పణలో శ్రీదేవి మూవీస్ బ్యానర్పై శివలెంక కృష్ణప్రసాద్ ఈ చిత్రాన్ని నిర్మిస్తున్నారు. నేడు (జులై 5న) కళ్యాణ్ రామ్ పుట్టినరోజు సందర్భంగా ఈ చిత్ర టైటిల్ను ప్రకటించారు. టైటిల్ పోస్టర్ను కూడా విడుదల చేశారు. ఈ సినిమాకి ‘ఎంత మంచివాడవురా!’ అనే టైటిల్ను ఖరారు చేశారు. టైటిల్ పోస్టర్ అయితే అదిరింది. మరి సినిమా ఎలా ఉండబోతోందో చూడాలి. ‘శతమానం భవతి’ సినిమాతో అందరి దృష్టిని ఆకర్షించిన దర్శకుడు వేగేశ్న సతీష్. వాస్తవానికి ‘దొంగల బండి’ సినిమాతో తన డైరెక్షన్ కెరీర్ను సతీష్ మొదులుపెట్టారు. 1999లో రచయితగా ఇండస్ట్రీలోకి అడుగుపెట్టిన సతీష్.. రచయితగా మంచి హిట్ సినిమాలు చేశారు. ముప్పలనేని శివ, ఈవీవీ సత్యనారాయణతో కలిసి పనిచేశారు. అయితే, డైరెక్టర్గా నిలదొక్కుకోవడానికి ఆయనకు చాలా సమయం పట్టింది. ‘రామయ్యా వస్తావయ్యా’, ‘సుబ్రమణ్యం ఫర్ సేల్’ సినిమాలకు రచయితగా పనిచేసినప్పుడు సతీష్లోని దర్శకుడిని చూసిన దిల్ రాజు ‘శతమానం భవతి’తో అవకాశం ఇచ్చారు. మరోవైపు, కళ్యాణ్ రామ్ ఈ మధ్య కాలంలో భారీ విజయమేమీ అందుకోలేదు. నిర్మాతగా ‘జై లవ కుశ’తో బ్లాక్ బస్టర్ హిట్ కొట్టిన కళ్యాణ్ రామ్.. హీరోగా నిరాశపరిచారు. ‘ఎంఎల్ఏ - మంచి లక్షణాలున్న అబ్బాయి’ సినిమా ఫర్వాలేదనిపించినా.. ‘నా నువ్వే’, ‘118’ నిరాశపరిచాయి. ఆయన ప్రత్యేక పాత్రలు చేసిన ‘ఎన్టీఆర్ కథానాయకుడు’, ‘ఎన్టీఆర్ మహానాయకుడు’ కూడా సరిగా ఆడలేదు. కాబట్టి, ప్రస్తుతం కళ్యాణ్ రామ్కు హీరోగా హిట్ అవసరం. వరుసగా మాస్ మసాలా సినిమాలు చేసిన కళ్యాణ్ రామ్ ‘నా నువ్వే’తో తన పందా మార్చారు. క్లాస్లోకి అడుగుపెట్టారు. ‘118’ కూడా వైవిధ్యమైన సినిమానే. ఇప్పుడు, సతీష్తో ఎలాంటి ప్రయోగం చేయబోతున్నారో చూడాలి!
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2YuCNci
No comments:
Post a Comment