ఫ్యామిలీ బ్యాగ్రౌండ్‌లు వదిలేసి సినిమాని సినిమాలా చూడాలన్నారు ఆనంద్ దేవరకొండ. ఆయన నటించిన ‘దొరసాని’ చిత్రం నిన్న (జూలై 12) విడుదలై పాజిటివ్ టాక్‌తో రన్ అవుతోంది. ఈ సందర్భంగా హైదరాబాద్‌లో సక్సెస్ మీట్‌ను నిర్వహించింది చిత్ర యూనిట్. ఈ ఈవెంట్ హీరో హీరోయిన్లు , శివాత్మిక రాజశేఖర్ లతో పాటు.. చిత్ర దర్శకుడు కేవీఆర్ మహేంద్ర, ఇతర నటీనటులు సాంకేతిక బృందం పాల్గొన్నారు. ఈ సందర్భంగా ఆనంద్ దేవరకొండ మాట్లాడుతూ.. ‘ఈ సినిమా గురించి చెప్పాలంటే.. ఇదొక పొయిటిక్ లవ్ స్టోరీ. ఒక మ్యూజికల్ స్పేస్‌లో ఉండి 63 పాత్రలతో రియలిస్టిక్ క్రాఫ్ట్‌తో చేసిన చిత్రం ఇది. ఈ చిత్రానికి పని చేసింది చిన్న ఫిల్మ్ మేకర్స్, డెబ్యూస్ అయినా.. ఒక హానెస్ట్ ప్రేమకథను ప్రజెంట్ చేశాం. ఈ సినిమా చూసిన వాళ్లు చాలా మంది అభినందిస్తున్నారు. అయితే కొంతమంది రివ్యూవర్స్‌కి నచ్చలేదని అంటున్నారు. దానికి కారణం నన్ను విజయ దేవరకొండ తమ్ముడిలా చూడటం వల్లే వారికి నచ్చడం లేదు. నన్ను మా అన్నతో కంపేర్ చేసి రివ్యూలు అలా రాస్తున్నారని అనుకుంటున్నా. కాని చాలా మంది రాజులా చూశారు. శివాత్మికను దొరసానిలా చూస్తున్నారు. మా ఫ్యామిలీ బ్యాగ్రౌండ్ వదిలేసి సినిమాని సినిమాలా చూస్తే అందరూ ఎంజాయ్ చేస్తారనేది నా అభిప్రాయం’ అంటూ కుండబద్దలు కొట్టినట్టుగా స్పీచ్ ఇచ్చారు ఆనంద్ దేవరకొండ.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2JyQNNh
No comments:
Post a Comment