సీజన్ 3 ప్రారంభానికి ముందే వరుస వివాదాలు చుట్టేస్తున్నాయి. బిగ్ బాస్ హౌస్‌లోకి పంపి 100 రోజుల పాటు తన్నుకు చావండెహే.. మేం ఎచక్కా షూట్ చేసుకుంటాం అనే కాన్సెప్ట్‌లో డిజైన్ చేసిన బిగ్ బాస్ వినోదం అనే ముసుగుతో ఉన్న వివాదాల సుడిగుండం అనే చెప్పాలి. ప్రపంచ వ్యాప్తంగా ఈ షోకి ఫుల్ క్రేజ్ ఉండటంతో తెలుగులో గత రెండు సీజన్లుగా రన్ చేస్తున్నారు. తొలి సీజన్‌కు ఎన్టీఆర్ హోస్ట్ చేస్తే.. రెండో సీజన్‌కి నాని హోస్ట్ చేశారు. ఇక మూడో సీజన్‌కి కింగ్ నాగార్జున హోస్ట్ చేస్తున్న విషయం తెలిసిందే. అయితే గత రెండు సీజన్లుగా ఆడిషన్స్ విషయంలో తలెత్తని కొత్త వివాదాలు సీజన్ 3ని చుట్టేశాయి. కంటెస్టెంట్‌గా తనను ఫైనల్ చేసి.. చివరి రౌండ్‌లో కమిట్‌మెంట్ అడిగారంటూ బాంబ్ పేల్చింది సీనియర్ యాంకర్ శ్వేతా రెడ్డి. తాజాగా ఆమెకు తోడై బిగ్ బాస్ బండారాన్ని బయటపెట్టింది ‘ఫిదా’ ఫేమ్ గాయిత్రి గుప్త. టాలీవుడ్ క్యాస్టింగ్ కౌచ్ వివాదంలో గట్టిగా వాయిస్ వినిపించి చాలా మంది నిర్మాతలు, ఇండస్ట్రీ వాళ్లు తనను పడక సుఖం కోసం బలవంతం చేశారంటూ సంచలన ఆరోపణలతో హాట్ టాపిక్ అయ్యింది గాయిత్రి గుప్త. తాజాగా ఓ టీవీ ఛానల్ నిర్వహించిన లైవ్ డిబేట్‌కి యాంకర్ శ్వేతారెడ్డితో కలిసి హాజరైన బిగ్ బాస్ నిర్వాహకులపై సంచలన ఆరోపణలు చేశారు. ఆడిషన్స్‌కి వెళ్లిన తనను 100 రోజుల పాటు సెక్స్‌కి దూరంగా ఉంటావా? అని అడిగారంటూ వాళ్ల దృష్టిలో తాము సెక్స్ టాయ్‌గా ఉన్నామంటూ ఆవేదన వ్యక్తం చేశారు గాయిత్రి గుప్త. ‘సినిమా ఇండస్ట్రీ, మీడియాలో అమ్మాయిలు ఉన్నారంటే.. వాళ్లు సెక్స్‌కి రెడీగా ఉన్నారనే స్టాంప్ వేసేస్తున్నారు. ఎక్కడికి వెళ్లినా దూరపు బంధువులతో సహా.. ఏమ్మా వస్తావా? అని అడుగున్నారు. ఫిల్మ్ ఇండస్ట్రీ కదా.. మీకు ఇదంతా కామన్ కదా? అని ఫిక్స్ అయిపోతున్నారు’ అంటూ ఆవేదన వెళ్లబుచ్చింది గాయిత్రి గుప్త. కాగా బిగ్ బాస్‌లో క్యాస్టింగ్ కౌచ్ ఉందని.. ఆడిషన్స్ పేరుతో కమిట్‌మెంట్స్ అడుగుతున్నారంటూ హైదరాబాద్ పోలీస్ స్టేషన్‌లో బిగ్ బాస్ షో నిర్వాహకులపై యాంకర్ శ్వేతా రెడ్డి ఫిర్యాదు చేసినట్టు తెలుస్తోంది. బాస్‌ని ఎప్పుడూ సంతృప్తి పరచాలని.. తన బాడీ షేప్‌పై శ్యామ్ అనే నిర్మాత తనతో అసభ్యంగా ప్రవర్తించాడని శ్వేతా రెడ్డి ఫిర్యాదులో పేర్కొన్నట్టు సమాచారం. ఇదిలా ఉంటే బిగ్ బాస్ షో ప్రారంభానికి ముందు హైప్ తీసుకురావడంలో భాగంగానే ఇదంతా జరుగుతుందని.. పక్కా స్కెచ్ ప్రకారం ప్రమోషన్స్ చేస్తున్నారంటూ ఈ తతంగం మొత్తాన్ని లైట్ తీసుకోవాలంటున్నారు బిగ్ ఫాలోవర్స్.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2XPLqwN
No comments:
Post a Comment