నవ్వులతో కిరాక్‌ పుట్టించే ఖతర్నాక్‌ కామెడీ షో అనగానే మొదట గుర్తుకొచ్చేది జబర్దస్త్. ఎందుకంటే.. డైలాగ్‌ డైలాగ్లోనూ పంచ్‌ ఉంటుంది. పంచ్‌ పంచ్‌‌కి నవ్వు వస్తుంది. అలాంటి షోకి ’ఎక్స్‌ట్రా’ తగిలించి, కామెడీ పెంచితే.. ఆ జోరు.. ఈ ఊపు.. మరింత రెట్టింపనే చెప్పుకోవాలి. అదిరిపోయే కామెడీకి.. ఆటోపంచ్‌లను, జోడించి మోసుకొచ్చేసింది ఈ శుక్రవారం ఎక్స్‌ట్రా జబర్దస్త్. ఆ నవ్వుల హరివిల్లుల్లోని హైలెట్స్‌ మీ కోసం. పులిచారల బుల్లి గౌన్‌తో ఎంట్రీ ఇచ్చిన యాంకర్‌ రష్మీ.. రోజా, నాగబాబులను జడ్జస్‌గా ఇన్వైట్‌ చెయ్యడంతో షో స్టార్ట్‌ అయ్యింది. చమ్మక చంద్ర స్కిప్ట్‌తో మొదలైన కామెడీ.. ’ఫసక్ శశి, బుల్లెట్‌ భాస్కర్‌’ స్కిట్లతో తారా స్థాయికి చేరింది. ఈ వారం ’పర్ఫామర్‌ ఆప్‌ దీ డే’గా ఆ రెండు టీమ్సే నిలవడం విశేషం. ఆ వివరాలు చూద్దాం! చమ్మక్ చంద్ర–కావేరీ ఇద్దరూ.. భార్యభర్తలుగా మహర్షి సినిమాలోని ’పాలపిట్టలో వలపు.. నీ పైట మెట్టు పై వాలిందే’ అంటూ అదిరిపోయే స్టెప్స్‌ వేసి వావ్‌ అనిపించారు. చంద్ర స్కిట్లోని అసలు కథలోకి వెళ్తే... కావేరీ.. ’‘ఏమండీ... మీకోసం ఓ సప్రైజ్‌.. మీకు రెండు షర్ట్స్‌ కొన్నాను..’’ అంటుంది. ‘‘ఇప్పుడెందుకే’’ అంటే.. ‘‘ఫర్వాలేదు.. వేసుకోండి..’’ అంటూ లోపలికి వెళ్లి టీ తీసుకొచ్చి... ‘‘ఏమండీ.. మీకు రెండు షర్ట్స్‌ కొన్నాను కదండీ.. మరి మీరు నాకు రెండు చీరలు కొనివ్వండీ..’’ అంటుంది కావేరీ గారంగా.. ‘‘అనుకున్నానే.. మీరు ప్రేమ చూపించనప్పుడే అర్థం చేసుకోవాల్సింది..’’ అంటూ గొడవ పడతాడు చంద్ర. దాంతో.. అడుక్కోవడానికి వచ్చిన ముష్టివాడికి ఆ రెండు షర్ట్స్‌ ఇచ్చేస్తుంది కావేరీ. దాంతో ఆ ముష్టివాడు మరో ముష్టివాడిని తీసుకుని ఆ ఇంటి ముందుకు ఇచ్చి వెయిట్‌ చేస్తూ ఉంటారు ‘వాళ్లు ఎప్పుడు గొడవ పడతారా?’ అని. వాళ్లు ఎదురు చూసినట్లే.. భర్త మీద కోపంతో భర్తకు చేసిన జీడిపప్పు ఉప్మా అడుక్కునే వాళ్లకు ఇచ్చేస్తుంది. దాంతో కాస్త తగ్గిన చంద్ర.. భార్య కోసం రెండు చీరలు కొనిస్తాడు. పక్కింటి సత్తిపండు.. మధ్య మధ్యలో వస్తూ.. తన భార్య తనకు వేసిన పనిష్మెంట్‌ గురించి చెబుతూ.. ‘‘నేను ఆ పందిముఖం దానికి భయపడ్డంలేదు.. పనిష్మెంట్‌ అనుభవించకపోతే.. ఫుడ్డూబెడ్డూ కట్‌ అంది.. అందుకే భయపడ్డాను’’ అనే సేమ్‌ డైలాగ్‌ చెబుతూ కామెడీ చేస్తాడు. ‘‘అదీ నిజమే ఫుడ్డూబెడ్‌కు కక్కుర్తిపడే మగవాడి బతుకు చంకనాకిపోయింది’’ అంటుంటాడు చంద్ర. భార్యతో పడుతున్న కష్టాలకు విసిగి.. నాగబాబుని న్యాయం చెప్పమని చంద్ర అడిగితే.. ఆయన ‘‘పాస్‌’’ అంటూ ఉంటాడు. ఇక చివరలో కావేరీ ‘‘ఏమండీ.. టీ తీసుకోండి..’’ అని టీ చేతికి ఇచ్చిన తర్వాత.. ‘‘ఏమండీ.. మీకో సప్రైజ్‌..’’ అంటుంది నవ్వుతూ.. అదిరపడి లేచిన చంద్రా.. ‘‘అమ్మో ఏంటే అది?’’ అంటాడు కంగారుగా.. ఓ ఉంగరం చూపించి.. ‘‘ఇది మీకోసం’’ అంటుంది కావేరి. ‘‘అమ్మో.. ఇప్పుడు నీకు హారం చెయ్యించాలా?’’ అంటూ టెన్షన్‌ పడుతూ ఉంటాడు. ‘‘అంతే మరీ..’’ అంటుంది భార్య కావేరీ. ‘‘అమ్మో.. ఇవిగో.. నా జీతం డబ్బులు.. నీ దగ్గరే ఉంచు.. కావాల్సినప్పుడు తీసుకుంటాను’’ అని యాభై వేల రూపాయలు పెళ్లాం చేతిలో పెట్టేస్తాడు చంద్ర. ఆ తర్వాత రోజు నుంచి ‘‘నీకు చీరలు కొనడానికి పదివేలు ఇవ్వే.. అన్నా.. టీవి కొనడానికి నలభై వేలు ఇవ్వే’’ అన్నా.. కావేరీ ‘‘అంత డబ్బెందుకండీ..’’ అంటూ ఖర్చు తగ్గిస్తుంది. వాళ్లు గొడవ పడాలని ఎదురు చూస్తున్న అడ్డుకునేవాళ్లకు ‘ఓ మెతుకు కూడా పెట్టను’ అంటూ తరిమి కొట్టడం బాగా నవ్వుతెప్పిస్తుంది. ఫసక్ శశి స్కిట్‌ విషయానికి వస్తే.. నాట్యమయూరి శాంతి కుమార్‌ని పెళ్లాడతాడు శశి. శాంతి చాలా గొప్ప డాన్సర్‌.. భరతనాట్యం చేస్తూ.. ప్రతి భావాన్ని పలికిస్తుంది. మొదట శశి స్టేజ్‌ మీదకి వచ్చి.. ‘నా భార్య చాలా గొప్ప నాట్యమయూరి. తన చేతితో తీసుకొచ్చిన టీని ఒక్కసారైనా తాగాలని ఆశపడుతున్నాను..’ అంటూనే ‘‘అమ్మూ.. ఒక్కసారి టీ తీరుకునిరా..’’ అని పిలుస్తాడు. దాంతో శాంతి.. చేతిలో టీ కప్పుతో.. భరతనాట్యం చేసుకుంటూ వస్తుంది. డాన్స్‌ పూర్తయ్యాక.. ‘‘టీ తీసుకోండి’’ అంటుంది. అయితే అప్పటికే టీ అంతా వలిగి పోతుంది. ‘‘అందుకే అన్నాను నా భార్య చేతితో తెచ్చిన టీ ఒక్కసారైనా తాగాలని ఉందని’’ అంటాడు ముఖం అమాయకంగా పెట్టి శశి. దాంతో నవ్వులు పూస్తాయి. ఇక తనకి మంచి ఉద్యోగం వచ్చిందని అపాయింట్‌మెంట్‌ లెటర్‌ తీసుకొచ్చి చేతిలో పెడతాడు శశి. దాంతో ఆనందంలో శాంతి డాన్స్‌ చేసి.. ఆ లెటర్‌నే ముక్కముక్కలుగా చేసి పైకి ఎగరేస్తుంది. అలా ప్రతి సీన్‌లో శాంతి ఎక్స్‌ప్రెషన్స్, డాన్స్‌ బాగా నవ్వు తెప్పిస్తుంది. బుల్లెట్‌ భాస్కర్‌ స్కిట్‌ విషయానికి వస్తే.. సై్టల్‌ సినిమా స్టోరీని అనుకరిస్తూ.. లారెన్స్‌లా భాస్కర్‌ డాన్స్‌ చెయ్యడానికి ప్రయత్నించడం, సూపర్‌ డాన్సర్స్‌తో పోటీపడి విజయం సాధించడం బాగా నవ్వు తెప్పిస్తుంది. అసలు కథలోకి వెళ్తే.. చిన్నప్పుడు భాస్కర్‌ తల్లి ‘‘నువ్వు గొప్ప డాన్సర్‌ అవ్వాలి’’ అని మాట తీసుకుంటుంది. ఆ తర్వాత తల్లి చనిపోతుంది కానీ.. ప్రతి రోజూ ఆత్మ రూపంలో వచ్చి.. ‘‘నువ్వు గొప్ప డాన్సర్‌వి కావాలి.. నాకు మాటివ్వు’’ అంటూ మాట తీసుకుని వెళ్లిపోతుంది. అలా ప్రతిసారి తల్లి ఎంట్రీ ఇవ్వడం బాగా నవ్వు తెప్పిస్తుంది. ఇక సుడిగాలి సుధీర్‌ స్కిట్‌ విషయానికి వస్తే... సుధీర్‌ ములక్కాడ స్టార్‌గా పేరు పొందిన గొప్ప హిరో. ఒక చోట రామ్‌ ప్రసాద్‌ డైరెక్ట్‌ చేస్తూ ఉంటే.. సుధీర్‌ హీరోగా నటిస్తూ ఉంటాడు. అక్కడికి.. గెటప్‌ శ్రీను, కొందరు కుర్రవాళ్లు వచ్చి చూస్తూ ఉంటారు. సుధీర్‌ చేసిన ప్రతి యాక్టింగ్‌ని కామెడీ చేస్తూ.. పంచ్‌లు వేస్తూ నవ్విస్తాడు శ్రీను. చివరికి డాన్స్‌ని ఇమిటేట్‌ చేస్తూ.. సుధీర్‌కి విసుగు తెప్పిస్తాడు శ్రీను. దాంతో రొమాన్స్ చేస్తూ ఉన్న సుధీర్‌.. ‘‘దమ్ముంటే నువ్వు చేసి చూపించు..’’ అంటూ శ్రీనుకి సవాల్‌ విసురుతాడు సుధీర్‌. దాంతో సీన్‌లోకి శ్రీను దిగి.. హీరోయిన్‌ని అటు నుంచి అటే తీసుకుని వెళ్లిపోవడం ఫన్నీగా ఉంటుంది. మొత్తానికి ఆటో పంచ్‌లతో స్కిట్‌ని బాగానే లాక్కొచ్చారు సుధీర్‌ టీం. మొత్తానికి ఈ వారం ఎక్స్ ట్రా నవ్వులతో ఫుల్ ఫన్ నింపింది.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2L6dDxJ
No comments:
Post a Comment