తెలుగు సినీ పరిశ్రమలోని పాపులర్ లిరిక్ రైటర్స్లో భాస్కరభట్ల రవికుమార్ ఒకరు. చిన్న చిన్న మాటలతో మ్యాజిక్ చేస్తుంటారాయన. మనం మాట్లాడుకునే మాటలే ఆయన పాటల్లో వినిపిస్తాయి. ఆయన పాటల్లోని పదాల అర్థాలు తెలుసుకోవడానికి డిక్షనరీలు తిరగేయాల్సిన అవసరం కూడా రాదు. అంత సింపుల్గా ఉంటాయి. మెలోడి సాంగ్ అయినా, మాస్ మసాలా పాటైనా భాస్కరభట్ల శైలి మాత్రం మారదు. అందరి నోటిలో నానే పదాలతోనే ఆయన పాటల గారడీ చేస్తుంటారు. యువ సంగీత దర్శకులకు ఎక్కువగా పాటలు రాసిన భాస్కరభట్ల తాజాగా ‘వాల్మీకి’లో పాట రాశారు. మాస్ ఆడియన్స్ విపరీతంగా ఆకట్టుకుంటోన్న ‘జర్ర జర్ర’ పాటను రాసింది భాస్కరభట్లనే. అయితే, ఈ పాట రాస్తున్న సమయంలో భాస్కరభట్ల తల్లి కన్నుమూశారు. ఈ విషయాన్ని ఆయనే స్వయంగా ‘వాల్మీకి’ ప్రీ రిలీజ్ వేడుకలో వెల్లడించారు. అమ్మ మరణంతో సొంతూరికి వెళ్లి అక్కడే రూం తీసుకొని పాట పూర్తిచేశానని తెలిపారు. ఈ విషయాలు వెల్లడించే సమయంలో ఆయన కాస్త భావోద్వేగానికి గురయ్యారు. Also Read: ఆదివారం రాత్రి హైదరాబాద్లోని శిల్పకళావేదికలో జరిగిన ఈ వేడుకలో భాస్కరభట్ల మాట్లాడుతూ.. ‘‘అక్షరాలను కళ్లకు హత్తుకుని, కవులను గుండెలకు హత్తుకునే దర్శకుడు హరీష్ శంకర్. కవులను పిల్లల కోడిలా పెట్టుకుని తిరుగుతుంటాడు. అంతిష్టం ఆయనకి. ‘మిరపకాయ్’ నుంచి ఆయనతో కలిసి పనిచేస్తున్నాను. ‘గబ్బర్ సింగ్’, ‘సుబ్రహ్మణ్యం ఫర్ సేల్’, ‘దువ్వాడ జగన్నాథం’, ఇప్పుడు ఈ సినిమా. నాతో కంటిన్యూగా పాటలు రాయిస్తూ చాలా గౌరవిస్తాడు’’ అని వెల్లడించారు. ‘‘ఈ పాట రాసేటప్పుడు మా అమ్మ చనిపోయింది. అప్పటికే నాలుగైదు రకాల పల్లవులు రాశాను. అమ్మ చనిపోవడంతో ఊరికి వెళ్లిపోయాను. అక్కడే ఒక రూం తీసుకుని చరణాలు రాశాను. హరీష్ బాధపడుతూ ఫోన్ చేశాడు. చరణాలు రాస్తున్నా అన్న అయిపోతుంది అని చెప్పాను. ఆరోజు మా అమ్మ చనిపోయి 10వ రోజు. చరణాలు రాయడం మొదలుపెట్టాను. హరీష్కి ఓపిక ఎక్కువ. కవులకి సమయం ఇస్తాడు. చైనీస్ నూడిల్స్లా త్వరగా వండి వార్చేయండి అనకుండా.. మూడు విజిల్స్ వచ్చే వరకు టైమ్ ఇచ్చే దర్శకుడు హరీష్ శంకర్’’ అని భాస్కరభట్ల అన్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3029suD
No comments:
Post a Comment