స్టార్ వారసుడిగా టాలీవుడ్‌ ఎంట్రీ ఇచ్చి తరువాత తనకంటూ ప్రత్యేక గుర్తింపు తెచ్చుకున్న టాలీవుడ్‌ యంగ్ హీరో రానా దగ్గుబాటి. మ్యాచో స్టార్ పేరు తెచ్చుకున్న ఈ యంగ్ హీరో తరువాత బాలీవుడ్‌, కోలీవుడ్‌లలోనూ సత్తా చాటాడు. అంతేకాదు హీరోగా క్యారెక్టర్సే చేస్తానంటూ మడి కట్టుకు కూర్చోకుండా పాత్ర బాగుంటే క్యారెక్టర్‌ రోల్స్‌తో పాటు విలన్‌ క్యారెక్టర్స్‌కు సై అంటున్నాడు. అయితే చివరగా ఎన్టీఆర్‌ మహానాయకుడు సినిమాలో కనిపించిన రానా తరువాత వెండితెర మీద కనిపించలేదు. అదే సమయంలో రానా ఆరోగ్యపరిస్థితిపై రకరకాల వార్తలు వినిపించాయి. రానా ఆరోగ్యం పూర్తిగా దెబ్బతినిందని, కిడ్నీ ట్రాన్స్‌ప్లాంట్‌ కోసం విదేశాలకు వెళ్లాడన్న ప్రచారం జరిగింది. అయితే నిజంగానే విదేశాలకు వెళ్లిన రానా, తన ఆరోగ్య పరిస్థితి మాత్రం బాగానే ఉందంటూ క్లారిటీ ఇచ్చే ప్రయత్నం చేశాడు. కానీ రానా లుక్‌ చూస్తే మాత్రం రానా ఆరోగ్యం విషయంలో అనుమానాలు రాక మానవు. బాహుబలిలో బల్లాలదేవుడిగా భారీ ఖాయంతో కనిపించిన రానా ప్రస్తుతం బక్కచిక్కిపోయి కనిపిస్తున్నాడు. ఎన్టీఆర్‌ బయోపిక్‌ సమయంలో చంద్రబాబు నాయుడు పాత్ర కోసం బరువు తగ్గానని చెప్పినా ఆ తరువాత కూడా మరింతగా బరువు తగ్గాడు రానా. దీంతో రానా ఆరోగ్య పరిస్థితిపై అభిమానులు ఆందోళన చెందుతున్నారు. Also Read: తాజాగా ప్రచార చిత్రంలో రానా లుక్‌ చూసి అభిమానులతో పాటు ఇండస్ట్రీ వర్గాలు కూడా షాక్‌కి గురవుతున్నారు. సౌత్ మ్యాచో స్టార్ ఇలా మారిపోయాడేంటని బాధ పడుతున్నారు. మరి దగ్గుబాటి కుటుంబ సభ్యులు ఇప్పటికైన రానా ఆరోగ్యపరిస్థితిపై స్పందిస్తేగాని అభిమానుల అనుమానలకు, సోషల్ మీడియా పుకార్లకు తెరపడే అవకాశం లేదు. రానా ప్రస్తుతం తెలుగు, హిందీ భాషల్లో తెరకెక్కుతున్న హాథీ మేరీ సాథీ సినిమాను పూర్తి చేయాల్సింది. ఈ సినిమా షూటింగ్‌ మధ్యలోనే రానా విదేశాలకు వెళ్లిపోయాడు. దీనికి తోడు వేణు ఉగుడుల దర్శకత్వంలో విరాటపర్వం సినిమాను ప్రారంభించాడు. సాయి పల్లవి హీరోయిన్‌గా నటిస్తున్న ఈ సినిమా షూటింగ్‌ ప్రారంభించాల్సి ఉంది. దీనితో పాటు రాజా మార్తండ వర్మ కథతో తెరకెక్కుతున్న బహుభాషా చిత్రం, మరో హిందీ చిత్రాలకు అంగీకరించాడు. మరి ఈ సినిమా షూటింగ్‌ ఎప్పుడు ప్రారంభమవుతుంది. రానా తిరిగి హ్యాండ్సమ్‌ లుక్‌లోకి ఎప్పుడు వస్తాడు. అని అభిమానులు ఆశగా ఎదురుచూస్తున్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2nkulPr
No comments:
Post a Comment