గోపీచంద్, మెహ్రీన్ హీరో హీరోయిన్లుగా న‌టించిన చిత్రం `చాణక్య`. బాలీవుడ్ హీరోయిన్ జరీన్‌ఖాన్ కీల‌క పాత్రలో న‌టించారు. తిరు ద‌ర్శక‌త్వంలో ప్రముఖ నిర్మాణ సంస్థ ఎ.కె.ఎంట‌ర్‌టైన్‌మెంట్స్ బ్యాన‌ర్‌పై రామబ్రహ్మం సుంకర నిర్మాత‌గా ఈ సినిమా రూపొందుతోంది. అక్టోబర్ 5న విడుదలవుతున్న ఈ సినిమా ప్రీ రిలీజ్ ఈవెంట్ వైజాగ్‌లో ఆదివారం రాత్రి జ‌రిగింది. ఈ కార్యక్రమంలో హీరో , డైరెక్టర్ తిరు, అనిల్ సుంకర, రామజోగయ్య శాస్త్రి, రాజేష్ ఖట్టర్, ఎం.వి.వి.సత్యనారాయణ తదితరులు పాల్గొన్నారు. ఈ సందర్భంగా హీరో గోపీచంద్ మాట్లాడుతూ.. ‘‘నా నుంచి ప్రేక్షకులు ఎలాంటి అంశాలను కోరుకుంటారో అవ‌న్నీ ఈ సినిమాలో ఉన్నాయి. మంచి ఫైట్స్‌, డైలాగ్స్ ఉన్నాయి. డైరెక్టర్ తిరు ఓ హీరోను ఎలా చూపించాలో అలా చూపించారు. అబ్బూరి ర‌వి చాలా మంచి డైలాగ్స్ రాశారు. పాట‌లకు కూడా మంచి స్పంద‌న వ‌స్తుంది. విశాల్ చంద్రశేఖర్, శ్రీచ‌ర‌ణ్ పాకాల అద్భుత‌మైన సంగీతాన్ని అందించారు. అనిల్ సుంకర గారికి సినిమాలంటే ఎంతో ఇష్టం. అలాంటి వ్యక్తితో క‌లిసి ప‌నిచేయ‌డాన్ని ఆశ్వాదించాను. మీ అందరి ప్రేమతో అక్టోబర్ 5న మళ్లీ నేనేంటో నిరూపించుకుంటాను’’ అని అన్నారు. డైరెక్టర్ తిరు మాట్లాడుతూ.. ‘‘గోపీచంద్ గారు స‌రికొత్త పాత్రలో న‌టించారు. ఆయ‌న ఫేవ‌రెట్ సినిమాల లిస్టులో ఈ సినిమా కూడా ఉంటుంది. అక్టోబర్ 5న విడుదలవుతున్న ఈ సినిమాను ప్రతి ఒక్కరూ ఎంజాయ్ చేస్తారు. శ్రీచ‌ర‌ణ్ పాకాల, విశాల్ చంద్రశేఖర్ మంచి సంగీతాన్ని, బ్యాగ్రౌండ్ స్కోర్‌ను అందించారు. వెట్రిగారు చాలా మంచి విజువ‌ల్స్ ఇచ్చారు. అబ్బూరి ర‌విగారు అద్భుత‌మైన డైలాగ్స్ రాశారు. అలాగే రామజోగయ్య శాస్త్రిగారు చాలా మంచి పాట‌ల‌ను రాశారు. సినిమా ఎంట‌ర్‌టైన్ చేసేలా ఉంటుంది. గోపీచంద్‌గారు చాలా హార్డ్ వ‌ర్క్ చేసిన చిత్రమిది’’ అని చెప్పారు. Also Read: రామజోగయ్య శాస్త్రి మాట్లాడుతూ.. ‘‘సినిమా ప్రేక్షకుల అంచ‌నాల‌ను మించేలా ఉంటుంది. డైరెక్టర్ తిరు మ‌న తెలుగువాడే. ఆయ‌న నిర్మాత‌ల‌తో క‌లిసి సినిమాను బ్రహ్మాండంగా తీర్చిదిద్దుతున్నారు. వైవిధ్యమైన చిత్రాల‌ను ఆద‌రిస్తున్న తెలుగు ప్రేక్షకులు ఈ సినిమాను కూడా ఆద‌రిస్తారనే న‌మ్మకంతో ఉన్నాం. విశాల్ చంద్రశేఖర్, శ్రీచ‌ర‌ణ్ పాకాల మంచి మ్యూజిక్‌ను అందించారు. ఫస్టాఫ్ సరదాగా.. సెకండాఫ్‌లో మంచి యాక్షన్ పార్ట్ ఉంటుంది. అంద‌రినీ మెప్పించేలా సినిమా ఉంటుంది’’ అని అన్నారు. బాలీవుడ్ నటుడు రాజేష్ ఖట్టర్ మాట్లాడుతూ.. ‘‘నేను తెలుగు సినిమాల్లో న‌టించాల‌ని ఎదురు చూస్తున్న త‌రుణంలో నాకు ద‌క్కిన అవ‌కాశ‌మిది. చాణక్య సినిమాతో నేను గోపీచంద్ గారిని క‌ల‌వ‌డం, ఆయ‌న‌తో క‌లిసి పనిచేయ‌డం సంతోషంగా ఉంది. ఈ సినిమాలో ఖురేషి పాత్రలో క‌న‌ప‌డ‌తాను. తెలుగులో నేనే డ‌బ్బింగ్ చెప్పుకున్నాను’’ అని వెల్లడించారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2mbsoUY
No comments:
Post a Comment