‘కూతురు.. ఇంటికి వెలుతురు’ అంటారు ఒక నాన్న. ‘కంటే కూతుర్నే కను’ అంటారు మరొక తండ్రి. ‘మా అమ్మే మళ్లీ నా కడుపున పుట్టింది’ అని మురిసిపోతాడు ఇంకో తండ్రి. ఆడపిల్లను మహాలక్ష్మితో పోలుస్తాం. ఆ మహాలక్ష్మి నడియాడే నట్టింట అంతా శుభమే జరుగుతుందని ఎంతో మంది నమ్మకం. ఇలాంటి వాళ్ల మధ్యే ఆడపిల్లలను ద్వేషించే రాక్షసులు కూడా ఉన్నారు. అజ్ఞానం, అనాగరికంతో ఆడిపల్లలను పురిటిలోనే చంపేస్తున్నారు. కొన్ని ఇళ్లల్లో అయితే ఇప్పటికీ ఆడపిల్లలను భారంగానే భావిస్తున్నారు. మగపిల్లలకన్నా తక్కువగా చూస్తున్నారు. ఇలాంటి పరిస్థితుల్లో ఆడపిల్ల గొప్పదనాన్ని చాటిచెబుతూ, ఆమెలేనిదే ఈ సృష్టే లేదని చెప్పడమే ముఖ్యోద్దేశంగా ఈ డాటర్స్ డే‌ను నిర్వహిస్తున్నారు. ఏటా సెప్టెంబర్ నాలుగో ఆదివారాన్ని ప్రపంచ వ్యాప్తంగా డాటర్స్ డేగా జరుపుకుంటున్నారు. కూతుళ్ల కోసం పుట్టిన ఈ ప్రత్యేకమైన పండుగ రోజున సూపర్ స్టార్ తన గారాలపట్టి సితారకు శుభాకాంక్షలు తెలిపారు. ఈ మేరకు సోషల్ మీడియాలో ఒక వీడియోను షేర్ చేశారు. తన కూతురితో దిగిన ఫొటోలన్నింటినీ కలిపి ఈ వీడియో రూపొందించారు. అంతేకాదు, ఈ సోషల్ మీడియా పోస్ట్‌లో తన కూతురు గురించి మహేష్ చాలా గొప్పగా చెప్పారు. ‘‘నా బుజ్జికొండ సితా పాపకు డాటర్స్ డే శుభాకాంక్షలు. నువ్వు నాకు ఎప్పటికీ అత్యంత ఆరాధనీయమైన, ప్రియమైన, కొంటె కూతురువి. నిన్నెప్పటికీ ప్రేమిస్తూనే ఉంటాను. ఇలాగే ఎప్పుడూ మెరిసిపోతూ ఉండు’’ అని మహేష్ బాబు తన ఇన్‌స్టాగ్రామ్ పోస్ట్‌లో పేర్కొన్నారు. అలాగే, మహేష్ బాబు భార్య నమ్రతా శిరోద్కర్ కూడా తన కూతురు సితారను ఉద్దేశించి ఇన్‌స్టాగ్రామ్‌లో ఒక పోస్ట్ పెట్టారు. ‘‘నా జీవితంలో నువ్వొక మెరిసే దీపానివి. నా ఆకాశంలో ప్రతి క్షణం మిరుమిట్లు గొలిపే నా చిన్ని నక్షత్రానివి. నా ప్రపంచాన్ని నువ్వు ఆనందమయం చేశావ్. నువ్వు అస్సలు ఊహించనంతగా నేను నిన్ను ప్రేమిస్తున్నారు. హ్యాపీ డాటర్స్ డే మై బ్యూటిఫుల్’’ అని నమ్రతా పేర్కొన్నారు. ఒక వీడియోను కూడా షేర్ చేశారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2M7dhor
No comments:
Post a Comment