రజినీకాంత్‌కు హర్భజన్ సింగ్ ట్రిబ్యూట్.. అదిరిపోయిందన్న రాఘవ లారెన్స్

‘‘నా దేహ‌మంతా సూప‌ర్‌స్టార్.. నా ప్రాణ‌మంతా సూప‌ర్‌స్టార్.. నా ఊపిరంతా సూప‌ర్‌స్టార్.. గొంతెత్తి పాడెయ్ సూప‌ర్‌స్టార్’’ అంటూ హూషారుగా సాగే ఈ పాట‌తో సూప‌ర్‌స్టార్ ర‌జినీకాంత్‌కి ప‌ర్ఫెక్ట్ ట్రిబ్యూట్ ఇచ్చింది ‘ఫ్రెండ్‌షిప్‌’ చిత్ర యూనిట్‌. టీమ్ ఇండియా మాజీ క్రికెటర్ హర్భజన్ సింగ్ హీరోగా న‌టిస్తోన్న చిత్రమిది. ఇటీవ‌ల విడుద‌లైన ఫస్ట్ లుక్ మోషన్ పోస్టర్‌కు మంచి స్పందన వచ్చింది. తాజాగా ఈ చిత్రం నుండి ఫ‌స్ట్ సింగిల్ విడుదల చేశారు. ఇది సూప‌ర్ స్టార్ ర‌జినీకాంత్ యాంథమ్ లిరిక‌ల్ సాంగ్‌. రజినీకాంత్‌ను అమితంగా అభిమానించే రాఘవ లారెన్స్ ఈ పాటను విడుదల చేశారు. పాటను విడుదల చేసిన సంద‌ర్భంగా లారెన్స్ మాట్లాడుతూ.. ‘‘‌తలైవా ట్రిబ్యూట్ సాంగ్ సూప‌ర్‌స్టార్ యాంథమ్‌ను రిలీజ్‌ ‌చేయ‌డం సంతోషంగా ఉంది. పాట చాలా బాగుంది. హ‌ర్భజ‌న్ సింగ్‌కి, ‘ఫ్రెండ్‌షిప్’ చిత్ర యూనిట్‌కు శుభాకాంక్షలు’’ అని అన్నారు. ఈ పాటను సంగీత దర్శకుడు డి.ఎమ్. ఉద‌య‌‌కుమార్ ఇచ్చిన క్యాచీ ట్యూన్‌కి రాజశ్రీ సుధాక‌ర్ సాహిత్యం అందించారు. మాస్‌ని హ‌త్తుకునేలా హేమ‌చంద్ర చాలా బాగా పాడారు. Also Read: త‌మిళ బిగ్ బాస్ ఫేమ్ లోస్లియా మ‌రియ‌నేస‌న్ హీరోయిన్‌గా నటిస్తున్న ఈ చిత్రంలో కీలక పాత్రల‌లో యాక్షన్ కింగ్ అర్జున్, స‌తీష్‌ న‌టిస్తున్నారు. జాన్ పాల్ రాజ్‌, శ్యామ్ సూర్య ద‌ర్శక‌త్వం వ‌హిస్తున్నారు. సీన్‌టొ స్టూడియోస్‌, సినీ మాస్ స్టూడియోస్ ప‌తాకాల‌పై జెపీఆర్, స్టాలిన్ ఈ చిత్రాన్ని నిర్మిస్తున్నారు. తెలుగు, హిందీ, త‌మిళ‌ం, ఇంగ్లిష్ భాషల‌లో ఈ చిత్రం విడుదల కాబోతోంది. ఈ నాలుగు భాషల్లో విడుదలైన పాటకు మంచి రెస్పాన్స్ వస్తోంది.

from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2BEgRp0