ఆర్థిక ఇబ్బందుల్లో ఉన్న చిత్తూరు జిల్లాకు చెందిన రైతు.. చదువుకుంటోన్న తన ఇద్దరు కూతుళ్లను కాడెద్దులుగా మార్చడాన్ని చూసి చలించిపోయిన నటుడు .. ఆ కుటుంబానికి ట్రాక్టర్ పంపిన సంగతి తెలిసిందే. చిత్తూరు జిల్లా కేవీ పల్లి మండలం మహల్రాజపల్లికి చెందిన రైతు నాగేశ్వరరావు టమాట పంట వేసి తీవ్రంగా నష్టపోయారు. లాక్డౌన్ సమయంలో టమాట పంట చేతికి రావడం, ఆ పంటను సరైన ధరకు అమ్ముకోలేకపోవడం వల్ల ఆర్థికంగా బాగా నష్టపోయారు. దీంతో ఇప్పుడు పొలం దున్నడానికి కాడెద్దులను అద్దెకు తెచ్చుకునే స్తోమత లేక తన ఇద్దరు కూతుళ్లలను కాడెద్దులుగా మార్చుకోవాల్సి వచ్చింది. నాగేశ్వరరావు ఇద్దరు కూతుళ్లు నాగలిని లాగుతోన్న వీడియో సోషల్ మీడియాలో వైరల్ కావడంతో సోనూ సూద్ చూసి స్పందించారు. ఆ కుటుంబానికి ట్రాక్టర్ అందజేస్తున్నానని ఆదివారం మధ్యాహ్నం ట్వీట్ చేసిన సోనూ సూద్.. సాయంత్రానికల్లా ట్రాక్టర్ను నాగేశ్వరరావు ఇంటి ముందు ఉంచారు. దీంతో సోనూ సూద్పై ప్రశంసల వర్షం కురుస్తోంది. ఈ మధ్య సోనూ సూద్ చేస్తోన్న సామాజిక సేవా కార్యక్రమాలన్నింటినీ గుర్తు చేసుకుంటూ ఆయన రియల్ హీరో అంటూ కొనియాడుతున్నారు. సోషల్ మీడియాలో ప్రస్తుతం సోనూ సూద్ పేరు మారుమోగుతోంది. Also Read: కాగా, తన సొంత జిల్లాకు చెందిన రైతుకు సోనూ సూద్ సాయం చేయడంతో తెలుగుదేశం పార్టీ అధినేత, ఏపీ ప్రతిపక్ష నేత చంద్రబాబు నాయుడు స్పందించారు. సోనూ సూద్కు ట్విట్టర్ ద్వారా కృతజ్ఞతలు తెలిపారు. సోనూ సూద్తో తాను ఫోన్ ద్వారా మాట్లాడినట్టు చంద్రబాబు వెల్లడించారు. ఆ రైతు ఇద్దరి కూతుళ్ల చదువు బాధ్యత తాను తీసుకుంటున్నానని చంద్రబాబు హామీ ఇచ్చారు. ఈ ట్వీట్కు సోనూ సూద్ స్పందించారు. చంద్రబాబుపై ప్రశంసల వర్షం కురిపించారు. Also Read: ‘‘నన్ను ప్రోత్సహిస్తూ మీరు చెప్పిన మాటలకు ధన్యవాదాలు సార్. మీ దయా గుణం ప్రతి ఒక్కరిలో స్ఫూర్తిని నింపి ఎదుటివారికి సాయపడేలా చేస్తుంది. మీ మార్గదర్శకంలో లక్షల మంది తమ కలలను సాకారం చేసుకోవడానికి దారులు వెతుక్కుంటారు. మీరు ఇలానే స్ఫూర్తిని నింపుతూ ఉండండి సార్. మిమ్మల్ని త్వరలోనే కలుసుకుంటాను’’ అని సోనూ సూద్ ట్వీట్ చేశారు. కాగా, రైతు నాగేశ్వరరావుకు సోనూ సూద్ చేసిన సాయాన్ని ప్రశంసిస్తూ దర్శకులు క్రిష్ జాగర్లమూడి, మెహర్ రమేష్ ట్వీట్లు చేశారు. ఈ ట్వీట్లకు సోనూ సూద్ స్పందించారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/32XXUJg
No comments:
Post a Comment