టీడీపీ సీనియర్ నేత రాజకీయంగానే కాకుండా సినీ నటుడిగా తెలుగు ప్రేక్షకులకు సుపరిచితమైన వ్యక్తి. సుమారు 35 ఏళ్లుగా క్యారెక్టర్ ఆర్టిస్ట్గా, ప్రతి నాయకుడిగా, కమెడియన్గా విలక్షణ పాత్రలు పోషించిన ఈయన దర్శకుడిగానూ పలు చిత్రాలకు పనిచేశారు. అంతేకాదు ప్రస్తుతం నగరి ఎమ్మెల్యే, సీనియర్ హీరోయిన్ రోజాను హీరోయిన్గా పరిచయం చేసింది ఈయనే. రోజాకి సినిమా అవకాశం ఎలా వచ్చింది? ఆమె సినిమాల్లోకి రాకముందు అసలు పేరు ఏంటి? అప్పట్లో ఆమెనే ఎందుకు హీరోయిన్గా పరిచయం చేశారు లాంటి విషయాలపై ఇటీవల ఐడ్రీమ్స్ ఇంటర్వ్యూలో పలు ఆసక్తికర విషయాలను తెలియజేశారు శివ ప్రసాద్. అసలు పేరు.. ఆమెను హీరోయిన్గా ఎలా తీసుకువచ్చారంటే! ఆయన మాటల్లోనే..‘1991లో చంద్రబాబు గారు రామారావుగారు పంపించారని చెప్పి నా దగ్గరకు తిరుపతి వచ్చారు. 91లో తిరుపతి పార్లమెంట్ స్థానం నీకు ఇస్తాం అన్నారు. అప్పుడు నేను రోజాని హీరోయిన్గా ఇండస్ట్రీకి పరిచయం చేస్తూ ‘ప్రేమ తపస్సు’ అనే సినిమాను చేస్తున్నా. ఆ టైంలో ఆయన వచ్చి మీరు ఎంపీగా పోటీ చేయాలని అనడంతో.. నా సినిమా మధ్యలో ఉంది రావడం కష్టం అని చెప్పా. నువ్ మొదలు పెట్టిన సినిమాకు అయిన ఖర్చు కూడా ఇచ్చేస్తాం.. రా అన్నారు. సారీ.. సార్ నాకు రాజకీయాల్లో ఇంట్రస్ట్ లేదని చెప్పా. చంద్రబాబు నా స్నేహితుడే కావడంతో రారా అని పిలిచారు. నాకు సినిమాలపై ఉన్న ఇంట్రస్ట్తో నాడు ఎంపీ పదవిని వదిలేశా. శ్రీలత.. రోజా అయ్యిందిలా.. నాడు సినిమాలపై ఉన్న ఇంట్రస్ట్తోటే శ్రీలత అనే అమ్మాయిని రోజా ఇండస్ట్రీకి పరిచయం చేసి సినిమా తీశా. ఆమెను ఆరోజు సినిమాల్లోకి తీసుకువచ్చినప్పుడు నన్ను ఎగతాళి చేశారు. కాని ఆమె స్టార్ హీరోయిన్ అయ్యింది. నేను భారతీరాజా శిష్యుడ్ని.. ఆయన ఎప్పుడు సినిమా తీసినా కొత్త హీరోయిన్ ఇంట్రడ్యూస్ చేస్తారు. నేను కూడా కొత్త సినిమా చేస్తున్నప్పుడు ఆయనలాగే కొత్త హీరోయిన్ని తీసుకురావాలనుకున్నా. నేను డైరెక్ట్ చేస్తున్న సినిమాలో కొత్త అమ్మాయి కోసం చాలా వెతికా. రాయలసీమ నుండి హీరోయిన్లు ఎవరూ లేదు.. ఖచ్చితంగా సీమ నుండి ఓ కొత్త హీరోయిన్ని ఇండస్ట్రీకి పరిచయం చేయాలని రాయలసీమలో చాలా కాలేజ్లు వెతికా. ఎక్కడా నేను అనుకున్న పాత్రకి కరెక్ట్గా సరిపోయే అమ్మాయి దొరకలేదు. ఫైనల్గా ఓ నర్సింగ్ ఇన్స్టిట్యూట్కి వెళ్లా. నర్సింగ్ అంటే కేరళ అమ్మాయిలు ఉంటారు.. వాళ్లైనా సరిపోతారేమో అని అక్కడకు వెళ్లా. వాళ్లందర్నీ చూశా కాని నా మైండ్లో ఓ క్యారెక్టర్ ఫిక్స్ అయిపోయి ఉండటం వాళ్ల వాళ్లలో నాకు ఎవరూ నచ్చలేదు. అయితే అక్కడ నుండి బయటకు వస్తున్నప్పుడు వాళ్ల ఆఫీస్ రూంలో ఓ ఫొటోని చూశా. నర్స్లు అందరూ కూర్చుని ఉండగా.. మధ్యలో ఒక అమ్మాయి పైట వేసుకుని నా కళ్లకు కనిపించింది. ఆమెను చూడగానే నాకు బాగా నచ్చేసింది. ఈ అమ్మాయి ఎవరు? అని ప్రిన్సిపాల్ని అడిగా.. ఆయన ఆమె మా సూపరిండెంట్ కూతురు అని చెప్పారు. చూద్దాం పద అని వాళ్ల ఇంటికి వెళ్లా. అక్కడకు వెళ్లిన తరువాత ఆమె నిద్రపోతూ ఉంది. అమ్మా.. లే!! నీకోసం డాక్టర్ (శివ ప్రసాద్) వచ్చారని లేపారు. ఆమె నిద్ర నుండి సడెన్గా లేచి నా వైపు బిత్తర చూపులు చూసింది. ఆ చూపులే నేను అనుకున్న క్యారెక్టర్ని కరెక్ట్ అనుకుని ఫిక్స్ అయ్యా. రోజాని హీరోయిన్గా తీసేయమన్నారు.. పనికి రాదన్నారు తీరా నాలుగైదు రోజులు సినిమా షూట్ అయిన తరువాత ఆమెను సినిమా నుండి తీస్తేనే నాకు డబ్బులు ఇస్తా అని క్యాషియర్ అన్నాడు. నేను ఒప్పుకోలేదు.. కష్టమైనా నష్టమైనా నేను భరిస్తా మీరు సినిమా వదిలేస్తా. హీరో రాజేంద్ర ప్రసాద్కి నచ్చింది.. నాకు నచ్చింది. ఇంత మంది బాగుందంటే మీకు ఎందుకు నచ్చడం లేదో నాకు అర్ధం కావడం లేదు. రేపటి రోజున ఆమె కెరియర్ ఎలా ఉంటుందో ఎలా ఉంటుందో మీరే చూస్తారని చెప్పా. ఆయన తరువాత ఆ సినిమా నుండి తప్పుకున్నారు. కష్టాలు పడి సినిమా తీశా. సక్సెస్ అయ్యింది. రోజాకి మంచి పేరు వచ్చింది. రాజకీయాల్లోకి నేనే తీసుకువచ్చా.. ఆమె పెళ్లి చేసుకున్న దర్శకుడికి ఆమెను నేనే పరిచయం చేశా ఆ తరువాత ఆమెను రామానాయుడికి పరిచయం చేశా.. రోజా పెళ్లి చేసుకున్న సెల్వమణికి నేనే పరిచయం చేశా. నేను అన్నట్టుగానే ఆమె 120పైగా సినిమాల్లో నటించింది. టాప్ హీరోయిన్ అయ్యింది. రాజకీయాల్లోకి నా ద్వారానే వచ్చింది.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2OkBrPj
No comments:
Post a Comment