ఎనర్జిటిక్ స్టార్ రామ్ పోతినేతి నటించని ‘ఇస్మార్ట్ శంకర్’ సినిమాతో దర్శకుడు పూరీ జగన్నాథ్కి సక్సెస్ పరంగానే కాకుండా ఫైనాన్షియల్గానూ కలిసొచ్చింది. చాలా కాలం తర్వాత పూరీ ఈ సినిమాతో హిట్ అందుకున్నారు. అందుకే పూరీ వచ్చిన ప్రాఫిట్స్తో రేంజ్ రోవర్ వోగ్ ఎస్యూవీని, సినిమాకు సహ నిర్మాతగా వ్యవహరించిన ఛార్మి బీఎండబ్ల్యూ 7 సిరీస్ సెడాన్ కార్లను కొనుగోలు చేశారు. ఈ విషయాన్ని ఛార్మి ఇన్స్టాగ్రామ్ ద్వారా వెల్లడించారు. పూరీ తన కుమారుడు ఆకాశ్ కెరీర్కు బాటలు వేయాలని తన గురించి మరిచిపోయినట్లున్నారు. కాసేపు ఆకాశ్ గురించి పక్కన పెట్టి తనకోసం ఓ హిట్ కొట్టాలని అనుకున్నారు. ఇంతలో రామ్ పూరీని కలిసి ఇంతకాలం ప్రేక్షకులు తనని మంచి అబ్బాయిలా చూశారని, ఈ మంచితనంతో తనకే బోర్ కొట్టేసిందని చెప్పారు. తనని బ్యాడ్ బాయ్లా చూపించేలా ఓ మాస్ సినిమా తీయాలని కోరారు. అన్నట్లుగానే పూరీ ‘ఇస్మార్ట్ శంకర్’ స్క్రిప్ట్ను సిద్ధం చేసుకున్నారు. అలా హీరోయిన్లుగా నిధి అగర్వాల్, నభా నటేశ్ సెట్ అవ్వడం, సినిమా సెట్స్ మీదకు వెళ్లడం, సినిమా మంచి విజయం అందుకోవడం జరిగిపోయాయి. మరోపక్క సినిమాలను వదిలేసి ఛార్మి.. పూరీతో పార్ట్నర్షిప్ పెంచుకోవడం ఆమెకు మంచిదే అయింది. పూరీ కనెక్ట్స్ బ్యానర్పై వీరిద్దరూ సహ నిర్మాతలుగా వ్యవహరిస్తూ సినిమాలు తీస్తున్నారు. వచ్చిన లాభాల్లో 50-50 తీసుకుంటున్నారు. ఛార్మికి కూడా రోజూ ఎన్నో స్క్రిప్ట్స్ వస్తున్నాయట. కానీ తాను చేస్తున్న పని కంటే ఎగ్జైట్మెంట్నిచ్చే కాన్సెప్ట్ తనకు ఇప్పటివరకు దొరకలేదని ఛార్మి ఓ సందర్భంలో తెలిపారు. అలాంటి స్క్రిప్ట్ ఏదన్నా వస్తే తప్పకుండా సినిమాలు చేస్తానని అన్నారు. ప్రస్తుతం పూరీ, ఛార్మి.. విజయ్ దేవరకొండతో కలిసి సినిమా చేయబోతున్నారు. సినిమాకు ‘ఫైటర్’ అనే టైటిల్ను ఖరారు చేశారు. ఇంకా కథానాయిక ఎవరన్నది తెలియాల్సి ఉంది. 2020 జనవరి నుంచి సినిమా చిత్రీకరణ సెట్స్ మీదకు వెళుతుంది. ‘అర్జున్రెడ్డి’ సినిమాతో విజయ్ దేవరకొండను ఓ రేంజ్కు తీసుకువెళ్లారు సందీప్ రెడ్డి వంగా. ఇప్పుడు ఈ ‘రౌడీ’ బాయ్.. డ్యాషింగ్ డైరెక్టర్ చేతిలో పడ్డాడు. ‘అర్జున్రెడ్డి’ని మించిన స్టార్డంను విజయ్ ఈ సినిమాతో తెచ్చుకుంటారో లేదో వేచి చూడాలి.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2Qaeuka
No comments:
Post a Comment