సెన్సేషనల్ హీరో విజయ్ దేవరకొండ మరో సెన్సేషనల్ ఫిల్మ్తో ప్రేక్షకుల ముందుకు వచ్చేందుకు సిద్ధమవుతున్నారు. ఈ ఏడాది ‘డియర్ కామ్రేడ్’గా వచ్చిన విజయ్ దేవరకొండ బాక్సాఫీసు వద్ద పెద్దగా ప్రభావం చూపలేకపోయారు. అందుకే, ఇప్పుడు మరో ప్రేమకథతో ప్రేక్షకులను మెప్పించాలని చూస్తున్నారు. దీనికోసం ఆయన ‘వరల్డ్ ఫేమస్ లవర్’గా మారారు. ప్రముఖ నిర్మాత కె.ఎస్.రామారావు సమర్పణలో క్రియేటివ్ కమర్షియల్స్ బ్యానర్పై విజయ్ దేవరకొండ హీరోగా సినిమా తెరకెక్కుతోన్న సంగతి తెలిసిందే. కె. క్రాంతిమాధవ్ దర్శకత్వం వహిస్తున్నారు. కె.ఎ.వల్లభ ఈ సినిమాను నిర్మిస్తున్నారు. గోపీ సుందర్ సంగీత సమకూరుస్తున్నారు. ఈ సినిమా షూటింగ్ ప్రారంభమై చాలా రోజులే అయ్యింది. కానీ, టైటిల్ మాత్రం ప్రకటించలేదు. ఈ సినిమా అప్డేట్స్ కోసం విజయ్ అభిమానులు ఎప్పటి నుంచో ఆసక్తిగా ఎదురుచూస్తున్నారు. మొత్తం మీద ఆ రోజు వచ్చింది. Also Read: తన నెక్ట్స్ సినిమాకు ‘వరల్డ్ ఫేమస్ లవర్’ అనే టైటిల్ను ఖరారు చేసినట్టు విజయ్ దేవరకొండ ప్రకటించారు. ఈ మేరకు ట్విట్టర్ ద్వారా టైటిల్ పోస్టర్ను విడుదల చేశారు. ఈనెల 20న ఈ సినిమా ఫస్ట్లుక్ను విడుదల చేయబోతున్నారు. సాయంత్రం 5 గంటలకు ‘వరల్డ్ ఫేమస్ లవర్’ ఫస్ట్లుక్ విడుదలవుతుంది. కాగా, ఈ సినిమాలో విజయ్ సరసన నలుగురు హీరోయిన్లు నటిస్తున్నారు. రాశీ ఖన్నా, ఐశ్వర్య రాజేష్, కేథరిన్ త్రెసా, ఇజాబెల్లా లైట్ వెండితెరపై విజయ్తో రొమాన్స్ చేయనున్నారు. ఇది విజయ్కి తొమ్మిదో సినిమా.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2V0iHWp
No comments:
Post a Comment