షాకింగ్.. చైతూ మొదటి భార్య గురించి చెప్పిన సమంత

ప్రముఖ నటి మంచు లక్ష్మి ఓ ఆసక్తికరమైన రియాలిటీ షోను హోస్ట్ చేస్తున్నారు. దాని పేరే ‘ఫీట్ అప్ విత్ ది స్టార్స్’. ఈ షో వూట్ యాప్‌లో ప్రసారం కానుంది. ఈ షోకు సంబంధించిన ఎపిసోడ్స్ ఈ నెల 23 నుంచి అందుబాటులో ఉంటాయని మంచు లక్ష్మి తెలిపారు. ఇంతకీ ఈ షో ప్రత్యేకత ఏంటంటే.. అన్ని షోలలా రెండు సోఫాలపై కూర్చుని ఇంటర్వ్యూలు చేయడం లాంటివి ఉండవు. బెడ్‌రూంలో లక్ష్మితో పాటు ఏ సెలబ్రిటీ అయితే ఇందులో పాల్గొంటారో వారిని మంచంపై లక్ష్మి ఇంటర్వ్యూ చేస్తారు. ఇంటర్వ్యూ అంటే ‘ఏ సినిమాలు చేస్తున్నారు? ఎన్ని సినిమాలు చేస్తున్నారు?’ వంటి సాధారణ ప్రశ్నలు ఉంటాయనుకోకండి. అవన్నీ అందరూ అడిగేవే. అవే అడిగితే ఈ షోలో ప్రత్యేకత ఏముంటుంది? అందుకే మనకు సెలబ్రిటీల గురించి తెలియని కొన్ని రహస్యాలను ఈ షో ద్వారా మనకు తెలియజేయబోతున్నారు మంచు లక్ష్మి. అభిమానులకు ఫేవరెట్ సెలబ్రిటీల లైఫ్‌స్టైల్, సినిమాల గురించి తెలుసుకోవడం కంటే వారి వ్యక్తిగత సినిమాల గురించి తెలుసుకోవడంలోనే వెయ్యి రెట్లు ఎక్కువ ఆసక్తి ఉంటుంది. అందుకే సరైన టైంలో సరైన షోను మంచు లక్ష్మి ఎంచుకున్నారు. అయితే ఈ షోలో అక్కినేని కోడలు కూడా పాల్గొన్నారు. ఈ ఎపిసోడ్‌కు సంబంధించిన ప్రోమో ఒకటి ఇటీవల విడుదలైంది. అందులో సమంత.. తన భర్త నాగచైతన్యకు సంబంధించిన ఓ రహస్యాన్ని వెల్లడించారు. అదేంటంటే.. నాగచైతన్యకు రెండో భార్య ఉందట. అంటే ఆయన సమంతను మోసం చేశారని కాదండోయ్. చైతూ రెండో భార్య ఎవరో కాదు ఆయన తల కింద పెట్టుకునే తలగడ అట. అదేంటీ అనుకుంటున్నారా.. ఈ విషయం సమంతే వెల్లడించారు. చైతూ నిద్రపోయేటప్పుడు తన తలగడను పక్కన పెట్టుకుని నిద్రపోతారట. ఆయన్ని ఎప్పుడు ముద్దు పెట్టుకోవాలన్నా మధ్యలో తలగడ అడ్డు వస్తుంటుందని చెప్తూ తెగ సిగ్గుపడిపోయారు సమంత. సామ్, చైల గురించి ఈ షోలో మంచు లక్ష్మి మరో షాకింగ్ విషయం గురించి వెల్లడించారు. పెళ్లికి ముందు సామ్, చైతూ లివ్ ఇన్ రిలేషన్‌షిప్‌లో ఉండేవారట. ఈ మాట చెప్పగానే సామ్.. ‘మీరు మా గురించి ఎక్కువ విషయాలు బయటపెట్టేస్తున్నారు’ అంటూ తప్పించేసుకున్నారు సామ్. ఈ షో ద్వారా ఇంకా ఎంత మంది సెలబ్రిటీల నుంచి ఇలాంటి షాకింగ్ విషయాలు బయటికి వస్తాయో చూడాలి.

from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2IgY0QK