హారిక హాసిని క్రియేషన్స్ అధినేత ఎస్.రాధాకృష్ణ(చినబాబు) పుట్టినరోజు సందర్భంగా ‘అల.. వైకుంఠపురములో..’ సినిమా ఫస్ట్ లుక్‌ను రిలీజ్ చేసారు. ఆ ఫస్ట్‌లుక్ చాలా ఇంట్రెస్టింగ్‌గా ఉంది. వెనుక రిచ్ బ్యాక్‌గ్రౌండ్, లగ్జరీ కార్ ఉంటే.. సూట్ వేసుకుని, నోట్లో బీడీ పెట్టుకుని ఉన్నాడు అల్లు అర్జున్. అసలు వెనుక ఉన్న సెటప్‌కి, బన్నీ గెటప్‌‌కి సంబంధం లేకుండా డిఫరెంట్‌గా ఉంది ఈ ఫస్ట్ లుక్. ఈ పోస్టర్‌తోనే సినిమాకి సంబంధించిన లైన్ గురించి హింట్ ఇచ్చే ప్రయత్నం చేశారు. ముందుగా రిలీజ్ చేసిన ప్రీ టీజర్‌లో కాస్త డల్‌గా కనిపించిన బన్నీ ఈ ఫస్ట్ లుక్‌లో మాత్రం సూపర్ చార్మింగ్‌గా ఉన్నాడు. కాజువల్ హెయిర్‌స్టైల్ కూడా బావుంది. ఓవరాల్‌గా ఈ లుక్‌తో అభిమానులను, ప్రేక్షకులను కూడా ఇంప్రెస్ చేసాడు స్టైలిష్ స్టార్. Also Read: ఎంత చిన్న ప్రొమోషనల్ మెటీరియల్ ఇచ్చినా దాంట్లో తన మార్క్ ఉండేలా చూసుకునే గురూజీ ఈ ఫస్ట్‌లుక్‌తో సినిమాపై అంచనాలు పెంచేసాడు. ఇది ప్యూర్ ఎంటర్టైన్మెంట్ మూవీ అని డైరెక్ట్‌గానే హింట్ ఇచ్చాడు. అయితే ఈ లుక్ చూసిన తరువాత త్రివిక్రమ్-పవన్ కళ్యాణ్‌ల ఇండస్ట్రీ హిట్ ‘అత్తారింటికి దారేది’ ఒకసారి గుర్తుకు వస్తుంది. లుక్ పరంగా ఆ సిమిలారిటీ కనిపించినా లైన్ మాత్రం వేరు. ఈ మధ్య ఈ సినిమా షూటింగ్ అంత ఎగ్రెసివ్‌గా జరగడంలేదు. ఈ సినిమా సంక్రాంతికి రావడం డౌట్ అనే మాట వినిపించింది. కానీ ఈ పోస్టర్‌లో సైతం 2020 సంక్రాంతి రిలీజ్ అని క్లారిటీ ఇచ్చి ఆ ఊహాగానాలకు చెక్ పెట్టారు. బన్నీకి జోడిగా DJ బ్యూటీ పూజా హెగ్డే నటిస్తుంది. అలాగే టబు, జయరాం, నివేత పేతురాజ్, సుశాంత్, రాజేంద్ర ప్రసాద్ తదితరులు కీలకపాత్రలు పోషిస్తున్నారు. ఈ సినిమాలో ఎక్కువభాగం వైకుంఠపురం అనే ఇంటిలోనే జరుగుతుంది. ప్రస్తుతం ఆ షెడ్యూల్ జరుగుతుంది. అది పూర్తయితే సినిమాలో మేజర్ పార్ట్ షూటింగ్ పూర్తయిపోయినట్టే. థమన్ సంగీతం అందిస్తున్న ఈ సినిమాకి పీఎస్ వినోద్ సినిమాటోగ్రాఫర్. ఇక ఈ సినిమా నిర్మాత చినబాబు పుట్టినరోజు వేడుకలు కూడా గ్రాండ్‌గా సెలెబ్రేట్ చేసారు. ఈ సందర్భంగా చినబాబు కట్ చేసిన కేక్ చాలా ఆకర్షణీయంగా ఉంది. తెలుగు ఇండస్ట్రీలో హారిక హాసిని క్రియేషన్స్ ప్రస్థానం అంతా తెలిసేలా, ఇప్పటివరకు ఆ సంస్థ నుండి వచ్చిన సినిమాల పేర్లు ఉండేలా ఆ కేక్‌ని డిజైన్ చేశారు. ఈ వేడుకకు త్రివిక్రమ్ అటెండ్ అయ్యారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2PtkT9F
No comments:
Post a Comment