నితిన్, కీర్తి సురేష్ జంటగా నటిస్తోన్న చిత్రం ‘రంగ్ దే!’. ‘తొలిప్రేమ’, ‘మజ్ను’ చిత్రాల దర్శకుడు వెంకీ అట్లూరి ఈ సినిమాకు దర్శకత్వం వహిస్తున్నారు. దేవిశ్రీ ప్రసాద్ సంగీతం సమకూరుస్తున్నారు. పీసీ శ్రీరామ్ సినిమాటోగ్రఫీ అందిస్తున్నారు. సితార ఎంటర్‌టైన్మెంట్స్ బ్యానర్‌పై సూర్యదేవర నాగవంశీ నిర్మిస్తున్నారు. ప్రస్తుతం ఈ సినిమా షూటింగ్ దశలో ఉంది. ఈ చిత్ర టీజర్‌ను ఆదివారం సాయంత్రం విడుదల చేశారు. నితిన్‌కు పెళ్లికానుకగా ఈ టీజర్‌ను రిలీజ్ చేయడం విశేషం. టీజర్ చాలా ఆసక్తికరంగా ఉంది. టీజర్‌లో సన్నివేశాలు పెళ్లితో ముడిపడి ఉండటం మరింత ఆసక్తికరం. కీర్తి సురేష్‌ను రిజిస్టర్ మ్యారేజ్ చేసుకున్నట్టు టీజర్‌లో చూపించారు. అది కూడా నితిన్‌కు ఇష్టం లేకుండా. కీర్తి సురేష్ మాత్రం చాలా ఆనందంగా కనిపిస్తోంది. ఇక పెళ్లయిన తరవాత నితిన్ కిచెన్‌కు అంకితమైపోయాడు. పాత్రలు కడిగేస్తున్నాడు.. బట్టలు ఐరన్ చేసేస్తున్నాడు.. ఫ్లోర్ క్లీన్ చేసేస్తున్నాడు.. మొత్తం మీద ఇంటి పని మొత్తం చేసేస్తున్నాడు. దీనికి తోడు బ్యాక్‌గ్రౌండ్ సాంగ్ అదిరిపోయింది. ‘బస్టాండే బస్టాండే ఇక నీ బతుకే బస్టాండే’ అంటూ వచ్చే బ్యాక్‌గ్రౌండ్ సాంగ్ బాగుంది. Also Read: మొత్తం మీద పెళ్లిచేసుకుంటోన్న నితిన్‌కు హ్యాపీ మ్యారీడ్ లైఫ్ చెబుతూ ఒక ఫన్నీ గిఫ్ట్ ఇచ్చింది ‘రంగ్ దే!’ యూనిట్. ఈ సినిమాను సంక్రాంతి కానుకగా విడుదల చేస్తున్నారు. ఈ చిత్రంలో సీనియర్ నటుడు నరేష్, వినీత్, రోహిణి, కౌసల్య, బ్రహ్మాజీ, వెన్నెల కిషోర్, సత్యం రాజేష్, అభినవ్ గోమటం, సుహాస్, గాయత్రి రఘురామ్ తదితరులు నటిస్తున్నారు. Also Read: ఇదిలా ఉంటే, షాలిని కందుకూరిని నితిన్ వివాహం చేసుకుంటోన్న విషయం తెలిసిందే. వీరి వివాహ వేడుక ఈరోజు రాత్రి హైదరాబాద్‌లోని ఫలక్‌నుమా ప్యాలెస్‌లో జరగనుంది. ప్రస్తుతం కరోనా మహమ్మారి విజృంభిస్తుండటంతో ప్రభుత్వ నిబంధనలను అనుసరిస్తూ చాలా తక్కువ మంది అతిథులతో వివాహ వేడుకను నిర్వహిస్తున్నారు. కుటుంబ సభ్యులు, సన్నిహితులు, కొద్ది మంది స్నేహితులు మాత్రమే వివాహ వేడుకకు హాజరవుతున్నారు. తెలంగాణ ముఖ్యమంత్రి కె.చంద్రశేఖర్ రావు కూడా నితిన్ పెళ్లికి హాజరుకానున్నారు. ఇటీవల ప్రగతి భవన్‌లో సీఎం కేసీఆర్‌ను కలిసిన నితిన్.. తన పెళ్లి శుభలేఖను అందజేశారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/300TkIc
No comments:
Post a Comment