హీరో విశాల్... అటు తమిళంలో పాటు.. ఇటు తెలుగులో కూడా అభిమానుల్ని సంపాదించుకున్నాడు. తెలుగు రాష్ట్రాల్లో కూడా విశాల్‌కు అనేక మంది అభిమానులు ఉన్నారు. విశాల్ ఫిల్మ్ ఫ్యాక్టరీ బ్యానర్ పై పలు చిత్రాలను నిర్మిస్తూ కోలీవుడ్ ఇండస్ట్రీలో దూసుకుపోతున్నాడు . ప్రస్తుతం చక్ర అనే సినిమాలో నటిస్తుండగా, ఇటీవల చిత్రానికి సంబంధించిన టీజర్ కూడా విడుదలైంది. ఈ టీజర్ ప్రేక్షకులను ఎంతగానో ఆకట్టుకుంటుంది. విశాల్ సరసన ఈ సినిమాలో శ్రద్ధా శ్రీనాథ్‌ హీరోయిన్‌గా నటిస్తోన్న విషయం తెలిసిందే. ఇందులో రెజీనా ఓ కీలక పాత్రలో కనిపించనుంది. ఇక ఈ క్రమం లో హీరో విశాల్ ను ఓయువతి మోసం చేసింది. భారీగా డబ్బు కొట్టేసిన ఆ యువతీపై విశాల్ పోలీసులకు కూడా ఫిర్యాదు చేశాడు. వివరాల్లోకి వెళ్తే.. విశాల్ కంపెనీలో పనిచేసే ఓ యువతి గత ఆరేళ్లలో రూ .45 లక్షలకు పైగా మోసం చేసి డబ్బు కూడపెట్టినట్టు తెలిసింది..ఆ డబ్బుతో ఆమె ఓ ఇల్లు కూడా కొనడం గమనార్హం. ఈ విషయం తెలుసుకున్న ప్రొడక్షన్ హౌస్ మేనేజర్ చెన్నైలోని వడపాలని పోలీస్ స్టేషన్లో ఫిర్యాదు చేశారు. ఇక ఈ ఫిర్యాదును విరుగమ్‌ బక్కమ్‌ స్టేషన్‌కు ఫార్వర్డ్‌ చేసినట్లు వడపలాని ఎస్సై తెలిపారు. కేసునమోదు చేసుకున్న పోలీసులు విచారణ చేపట్టారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/38x8YxM
No comments:
Post a Comment