సూపర్ స్టార్ మహేష్ బాబు, యంగ్ అండ్ టాలెంటెడ్ డైరెక్టర్ అనిల్ రావిపూడి కాంబినేషన్‌లో వస్తోన్న క్రేజీ మూవీ ‘సరిలేరు నీకెవ్వరు’. రష్మిక మందన హీరోయిన్‌గా నటించింది. లేడీ అమితాబ్‌గా పేరుగాంచిన ఒకప్పటి స్టార్ హీరోయిన్ విజయశాంతి 13 ఏళ్ల తరవాత ఈ సినిమా ద్వారా రీఎంట్రీ ఇస్తున్నారు. ప్రకాష్ రాజ్, రాజేంద్ర ప్రసాద్, అజయ్, సంగీత ఇతర ముఖ్య పాత్రలు పోషించారు. దిల్‌ రాజు శ్రీ వెంకటేశ్వర క్రియేషన్స్‌ సమర్పణలో జీఎంబీ ఎంటర్‌టైన్‌మెంట్‌, ఎ.కె. ఎంటర్‌టైన్‌మెంట్స్‌ పతాకాలపై రామబ్రహ్మం సుంకర నిర్మించిన ఈ చిత్రం సంక్రాంతి కానుకగా జనవరి 11న ప్రేక్షకుల ముందుకు వస్తోంది. ఇప్పటికే ఈ సినిమాపై భారీ అంచనాలున్నాయి. ఆ అంచనాలను రెట్టింపు చేసేందుకు, మహేష్ అభిమానుల్లో కొత్త ఉత్సాహాన్ని తీసుకొచ్చేందుకు ఆదివారం ‘సరిలేరు నీకెవ్వరు’ మెగా సూపర్ ఈవెంట్‌ను నిర్వహిస్తున్నారు. ఎల్బీ స్టేడియంలో నిర్వహిస్తోన్న ఈ ఈవెంట్‌కు మెగాస్టార్ చిరంజీవి ముఖ్య అతిథిగా విచ్చేస్తున్నారు. Also Read: ఎల్బీ స్టేడియంలో ఇప్పటికే ఏర్పాట్లు పూర్తయ్యాయి. ఫ్యాన్స్ స్టేడియంలోకి అడుగుపెట్టారు. గ్యాలరీలు అభిమానులతో నిండిపోతున్నాయి. మెగాస్టార్ చిరంజీవి చీఫ్ గెస్ట్‌గా వస్తుండటంతో మెగా అభిమానులు కూడా ఈ ఈవెంట్‌కు భారీగా తరలివచ్చారు. పోలీసులు కట్టుదిట్టమైన భద్రత నడుమ ఈ వేడుకను నిర్వహిస్తున్నారు. సాయంత్రం 5.04 గంటలకు ఈవెంట్ ప్రారంభమవుతుంది. రాత్రి 10 గంటల వరకు కొనసాగుతుంది.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/39CHxTc
No comments:
Post a Comment