బుల్లితెర ప్రపంచంలోనే బిగ్గెస్ట్ రియాలిటీ షో ‘బిగ్ బాస్’ సీజన్ 3 ఆసక్తికరంగా సాగుతోంది. కింగ్ నాగార్జున హోస్ట్ చేస్తోన్న ఈ షోలో శనివారం ప్రముఖ నటి హౌస్మేట్స్తో పాటు ప్రేక్షకులకు సడెన్ సర్ప్రైజ్ ఇచ్చారు. వాస్తవానికి షో ప్రారంభంకావడానికి ముందే స్టార్ మా ట్విట్టర్లో ప్రచారం మొదలుపెట్టింది. ట్విట్టర్లో ప్రోమోలు చూసినవారు రమ్యకృష్ణ షోని ఎలా హోస్ట్ చేస్తారో అని అనుమానపడ్డారు. కానీ, షో పూర్తయిన తరవాత శివగామియే తమకు హోస్ట్గా కావాలంటున్నారు. Also Read: శనివారం నాటి ఎపిసోడ్లో రమ్యకృష్ణ ఇరగదీశారు. తన కమాండింగ్తో ఇంటి సభ్యులపై పైచేయి సాధించారు. అలాగే, కామెడీ టైమింగ్తో ప్రేక్షకులను నవ్వించారు. రమ్యకృష్ణ హస్కీ వాయిస్, హుందాతనం, అందమైన నవ్వు అన్నీ ఆమెకు కలిసొచ్చాయి. అందుకే, ఇప్పుడు ‘బిగ్ బాస్’ ఫ్యాన్స్ నాగార్జున బదులు రమ్యకృష్ణే హోస్ట్గా కొనసాగాలని డిమాండ్ చేస్తున్నారు. ప్రస్తుతం ట్విట్టర్లో ఇవే ట్వీట్లు కనిపిస్తున్నాయి. ‘బిగ్ బాస్’ వాళ్లు ఇన్ని రోజులు గాడిదలు కాసారా..? ఇంత మంచి హోస్ట్ని ముందుగా ఎందుకు గుర్తించలేదు అని ప్రశ్నిస్తున్నారు. నాగార్జున స్పెయిన్లోనే ఉండిపోవాలని కొందరు.. అట్నుంచి అటే మరో రెండు నెలలపాటు వెకేషన్కు వెళ్లిపోవాలని మరికొందరు సలహాలు ఇస్తున్నారు. మొత్తం మీద తమకు నాగార్జున కంటే రమ్యకృష్ణ హోస్ట్గా ఉంటేనే బాగుంటుందని కోరుకుంటున్నారు. ఆఖరికి, తమిళ బిగ్ బాస్ ఫ్యాన్స్ సైతం తాము రమ్యకృష్ణ కోసం తెలుగు బిగ్ బాస్ చూస్తామని ట్వీట్లు చేస్తున్నారు. బిగ్ బాస్ అభిమానుల డిమాండ్ ఎలా ఉన్నా.. వచ్చే వారం రమ్యకృష్ణ ఈ షోలో కనిపించరు. అందుకే, ఈ ఆదివారం ఆమె హౌస్లోకి వెళ్లి కంటెస్టంట్లతో కాసేపు సరదాగా గడపనున్నారు. ఈవారం ఎలిమినేషన్ కూడా ఉండదట. నాగార్జున వచ్చిన తరవాతే ఎలిమినేషన్ ఉంటుంది. అంటే వచ్చేవారం. ఈ వారానికి బిగ్ బాస్ అభిమానులు రమ్యకృష్ణ హోస్టింగ్తో ఆనందపడాల్సిందే.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2Up8tyv
No comments:
Post a Comment