ఇస్మార్ట్ హీరో ఇప్పుడు మంచి ఫాంలో ఉన్నారు. RED సినిమా అనుకున్నంతగా ఆడకపోయినా కూడా రామ్ తన తదుపరి ప్రాజెక్ట్ మీద మంచి అంచనాలు పెంచేస్తున్నారు. మొదది సారిగా తమిళ దర్శకుడితో చేతులు కలిపారు. లింగుస్వామి దర్శకత్వంలో రామ్ హీరోగా ఓ ప్రాజెక్ట్ ఇది వరకే అనౌన్స్ అయిన సంగతి తెలిసిందే. అయితే ఈ మధ్యే పూర్తి స్థాయి స్క్రిప్ట్ను రామ్కు డైరెక్టర్ వినిపించారట. కథగా చెప్పినప్పటి కంటే స్క్రిప్ట్ పూర్తయ్యాక మరింత నచ్చినట్టు కనిపిస్తోంది. అదిరిపోయింది త్వరలోనే షూటింగ్ మొదలుపెట్టేద్దామని రామ్ గ్రీన్ సిగ్నల్ ఇచ్చేశారు. ఈ మేరకు రామ్ వేసిన ట్వీట్ వైరల్ అయింది. మామూలుగా అయితే ఈ పాటికే సినిమా షూటింగ్ మొదలు కావాల్సింది. కానీ కరోనా సెకండ్ వేవ్ వల్ల షెడ్యూల్ మొత్తం వాయిదా పడింది. అలా సినిమా ఇంకాస్త ఆలస్యమవుతూ ఉంది. అయితే ఈ నెలలోనే షూటింగ్ మొదలుపెట్టాలని చిత్రయూనిట్ భావిస్తోందట. ఈ మేరకు ప్రీ ప్రొడక్షన్ పనులు కూడా ప్రారంభమయ్యాయని టాక్. అయితే రాక్ స్టార్ మాత్రం ఇప్పటికే ట్యూన్స్ రెడీ చేసినట్టు తెలుస్తోంది. రామ్ ఎనర్జీకి తగ్గట్టుగా మాస్, క్లాస్ ట్యూన్స్ ఇస్తున్నట్టు తెలుస్తోంది. ఇప్పుడు మాత్రం రామ్ ఓ లవ్ సాంగ్, దానికి సంబంధించిన ట్యూన్ వింటూ ఎంజాయ్ చేస్తున్నారు. తన కారులో వెళ్తూ ఈ కొత్త ట్యూన్ గురించి అప్డేట్ ఇచ్చారు. దేవీ శ్రీ ప్రసాద్ ఇరగ్గొట్టేసినట్టు కనిపిస్తోంది. మొత్తానికి ఈ లవ్ సాంగ్ బాగానే వచ్చినట్టు రామ్ చెప్పకనే చెప్పేశారు. ఈ చిత్రంలో రామ్ సరసన కృతి శెట్టి హీరోయిన్గా ఎంపికైన సంగతి తెలిసిందే.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3hAxNh0
No comments:
Post a Comment