నేడు (జులై 5) నందమూరి నట వారసుడు కళ్యాణ్ రామ్ పుట్టినరోజు. 1978 జూలై 5వ తేదీన జన్మించిన ఆయన నేటితో 42 సంవత్సరాలు పూర్తి చేసుకొని 43వ యేట అడుగుపెడుతున్నారు. ఈ సందర్భంగా ఆయనకు సోషల్ మీడియా వేదికగా పలువురు సినీ సెలబ్రిటీలు విషెస్ తెలుపుతున్నారు. ఈ క్రమంలోనే కళ్యాణ్ రామ్ సోదరుడు నందమూరి తారక రాముడు (జూనియర్ ) స్పెషల్గా విషెస్ చెప్పారు. ''కేవలం సోదరుడిగానే కాకుండా గత కొన్నేళ్లుగా నాకు స్నేహితుడిగా, దిశా నిర్దేశకుడిగా, సలహాలు సూచనలిచ్చే గైడ్గా మెదులుతున్నావు. హ్యాపీ బర్త్ డే కళ్యాణ్ అన్నా. నిజంగా నువ్వు చాలా గొప్పవాడివి'' అని పేర్కొంటూ ట్విట్టర్లో సందేశం పోస్ట్ చేశారు ఎన్టీఆర్. ఈ సందేశం చూసి మురిసిపోతూ కళ్యాణ్ రామ్కి పెద్ద ఎత్తున శుభాకాంక్షలు తెలుపుతున్నారు నందమూరి ఫ్యాన్స్. Also Read: నందమూరి నట వారసత్వం పుచ్చుకున్న కళ్యాణ్ రామ్.. నటుడిగా, నిర్మాతగా తెలుగు చిత్రసీమలో తనదైన మార్క్ వేసుకున్నారు. 1989లో 'బాలగోపాలుడు' సినిమాలో బాలనటుడిగా నటించి సినీ రంగ ప్రవేశం చేసిన ఆయన.. ఆ తర్వాత లాంగ్ గ్యాప్ తీసుకొని 2003లో 'తొలిచూపులోనే' సినిమాతో హీరోగా ప్రేక్షకుల ముందుకొచ్చారు. ఆ వెంటనే అదే ఏడాది 'అభిమన్యు' సినిమా చేసి తన టాలెంట్ బయటపెట్టారు. ఆ తర్వాత చేసిన ''అతనొక్కడే, లక్ష్మి కళ్యాణం, పటాస్'' సినిమాలు ఆయన కెరీర్ని మలుపుతిప్పాయి. హీరోగా చేస్తూనే నిర్మాతగా రాణించాలనే తపనతో ఎన్టీఆర్ ఆర్ట్స్ బ్యానర్ స్థాపించి సక్సెస్ అయ్యారు కళ్యాణ్ రామ్. ఈ బ్యానర్ లోనే ఎన్టీఆర్ 'జై లవకుశ' సినిమా రూపొందించి భారీ హిట్ సాధించారు. సో.. కళ్యాణ్ రామ్ ఇంకా మరిన్ని విజయాలు అందుకోవాలని కోరుకుంటూ ఈ నందమూరి వారసుడికి 'సమయం తెలుగు' తరఫున స్పెషల్గా పుట్టిన రోజు శుభాకాంక్షలు తెలుపుతున్నాం.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2ZJJtW2
No comments:
Post a Comment