‘సరిలేరు నీకెవ్వరు’ సినిమా పూర్తయ్యే వరకు మహేష్ బాబు నయా పైసా తీసుకోలేదని.. అడ్వాన్స్ కూడా తీసుకోకుండా సినిమాను పూర్తిచేశారని మెగాస్టార్ చిరంజీవి అన్నారు. మహేష్ బాబు అలా చేయడం వల్ల నిర్మాతకు ఎంతో లాభం చేసినవాడు అయ్యారని.. బోలెడంత వడ్డీని మిగిల్చారని ప్రశంసల వర్షం కురిపించారు. మహేష్ బాబు హీరోగా నటించిన ‘సరిలేరు నీకెవ్వరు’ సినిమా ప్రీ రిలీజ్ ఈవెంట్‌ను ఆదివారం హైదరాబాద్‌లోని ఎల్బీ స్టేడియంలో నిర్వహించారు. ఈ వేడుకకు చిరంజీవి చీఫ్ గెస్ట్‌గా విచ్చేశారు. ఈ సందర్భంగా చిరంజీవి మాట్లాడుతూ.. మహేష్ బాబును ఎప్పుడూ పాషనేట్‌గా చూస్తుంటానని అన్నారు. ఎంతో ముద్దొచ్చేలా ఉంటాడని, ఒక బిడ్డలాంటి ఫీలింగ్ కలుగుతుందన్నారు. ‘‘చాలా సరదాగా ఉంటాడు. ఎప్పుడూ ఆ మొహంలో చెరగని చిరునవ్వు ఉంటుంది. అయితే, ఆ చిరునవ్వు వెనకాల చిన్న చిలిపితనం కూడా ఉంటుంది. దొంగ’’ అని సరదాగా అన్నారు చిరంజీవి. ‘‘ఈ మధ్య కొన్ని నెలల క్రితం పేపర్ తిరగేస్తుంటే మహేష్ బాబు ఫొటో కనిపించింది. ఆ ఫొటో కత్తిలా ఉంది. చాలా సేపు నా చూపును అలాగే కట్టిపడేశాడు మిలట్రీ డ్రెస్‌లో. అది ‘సరిలేరు నీకెవ్వరు’ ఫస్ట్ లుక్. అఫ్‌కోర్స్ ప్రతి స్టిల్లు కత్తిలా అనిపిస్తుంది కానీ.. ఈ కత్తికి రెండు వైపులా పదునుంది అనిపించింది. ఆగలేకపోయాను. ఏదైనా గుడ్ ఫీలింగ్ వచ్చినప్పుడు మహేష్ బాబుతో షేర్ చేసుకోవడం నాకు అలవాటు. వెంటనే తనకి ఎస్ఎంఎస్ కొట్టాను. తను రెస్పాండ్ అయ్యాడు. Also Read: మహేష్ బాబు చాలా బాగుంది.. చాలా స్మార్ట్‌గా ఉన్నావు.. ఈ స్టిల్ చూసి సినిమా ఎలా ఉంటుందో ఊహించుకుంటున్నాను.. త్వరగా చూడాలని ఉత్సాహంగా ఉంది అన్నాను. అప్పుడు థ్యాంక్స్ చెప్పాడు. అది జరిగిన కొన్ని రోజులకే సినిమా ప్రీ రిలీజ్ ఫంక్ష్‌కు మీరు గెస్ట్‌గా రావాలని పిలిచారు. చాలా షాక్ తిన్నా. మొన్నేకదా స్టార్ అయ్యింది అనుకున్నా. సాధారణంగా హీరోలందరూ సంవత్సరం పాటు సమయం తీసుకుంటున్నారు కదా ఇంత త్వరగా ఎలా చేశారు అని ఆశ్చర్యపోయా. ఐదు నెలల్లో సినిమా అయిపోయిందండి.. ఆరు నెలలో విడుదల చేస్తున్నాం అని చెప్పారు. ప్రతి హీరో, ప్రతి దర్శకుడు యుద్ధప్రాతిపదికన మంచి నాణ్యతతో ఇలా సినిమాలు చేస్తే ఇండస్ట్రీకి మేలు చేసినట్టు అవుతుంది. అందరూ ఇలాగే చేయాలి. అప్పుడే ఇండస్ట్రీ చల్లగా ఉంటుంది. ప్రతి ఒక్కరికీ ఉపాధి లభిస్తుంది. థియేటర్స్ కళకళలాడుతూ ఉంటాయి. కొనుకున్న బయ్యర్లు హాయిగా ఉంటారు. వాళ్లు డబ్బులు సంపాదించుకుంటారు. ఆ డబ్బులు దాచుకోరు.. తిరిగి మళ్లీ మనకే ఇస్తుంటారు. Also Read: నేను విన్న ఇంకో విషయం ఏంటంటే.. ఈ సినిమా పూర్తయ్యేంత వరకు మహేష్ బాబు నయా పైసా కూడా తీసుకోలేదు. అడ్వాన్స్ తీసుకోలేదు. దాని వల్ల నిర్మాతలకు ఎన్నో కోట్లు వడ్డీ మిగులుతుంది. నేను ఎప్పుడూ అడ్వాన్స్ తీసుకోను.. సినిమా అయిన తరవాత ఆఖరిలో డబ్బులు తీసుకుంటాను. చరణ్ ఇదే ఫాలో అవుతున్నాడు. ఇప్పుడు మహేష్ బాబు అలా చేస్తూ నిర్మాతలకు వెన్నుదన్నులా నిలబడుతున్నాడు’’ అని మహేష్ బాబుపై ప్రశంసల వర్షం కురిపించారు చిరు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2ZQVIzH
No comments:
Post a Comment