మరో వివాదంలో దర్బార్.. అనిరుధ్‌ను బహిష్కరించాలంటున్న కమిటీ

సూపర్‌ స్టార్ రజనీకాంత్ హీరోగా స్టార్ డైరెక్టర్‌ మురగదాస్ తెరకెక్కించిన భారీ చిత్రం దర్బార్‌. రజనీ చాలా కాలం తరువాత పోలీస్‌ అధికారి పాత్రలో నటిస్తున్న ఈ సినిమాపై భారీ అంచనాలు ఉన్నాయి. ప్రముఖ నిర్మాణ సంస్థ లైకా ప్రొడక్షన్స్‌ ఈ చిత్రాన్ని ప్రతిష్టాత్మకంగా నిర్మిస్తోంది. సంక్రాంతి కానుకగా జనవరి 9న రిలీజ్‌కు రెడీ అవుతున్న ఈ సినిమాను వివాదాలు చుట్టుముడుతున్నాయి. ఇప్పటికే ఈ చిత్ర నిర్మాణ సంస్థ తమకు బాకీ ఉందంటూ కొంతమంది ఫైనాన్సియర్స్‌ కోర్టును ఆశ్రయించారు. తమ అప్పు తీర్చే వరకు సినిమా విడుదల నిలిపివేయాలంటూ వారు పిటిషన్‌ వేశారు. ఈ వివాదం కొలిక్కి రాకముందే మరో వివాదంలో చిక్కుకుంది దర్బార్‌. తాజాగా సంగీత దర్శకుడు అనిరుధ్ కారణంగా ఈ సినిమాలో ఇబ్బందుల్లో పడింది. Also Read: ఈ సినిమాకు దాదాపు 450 మంది సంగీత కళాకరులు పనిచేశారు. అయితే వారిలో కేవలం ఐదుగురు మాత్రమే తమిళ కళాకారులు ఉండటంపై తమిళ సంగీత కళాకారుల అసోషియేషన్‌ అభ్యంతరం వ్యక్తం చేస్తోంది. ఈ విషయంపై మీడియాతో మాట్లాడిన అసోషియేషన్ అధ్యక్షుడు దీనా వివాదానికి సంబంధించిన వివరాలను వెల్లడించాడు. నెలన్నరకు ముందు అనిరుధ్‌ను ఫోన్ చేసి దీనా అసోసియేషన్‌కు చెందిన కళాకారులకు రికార్డ్‌లో అవకాశం ఇవ్వాలని కోరినట్టుగా వెల్లడించారు. నెల క్రితం కమిటీ ఎగ్జిక్యూటివ్‌ మెంబర్స్‌ లిఖితపూర్వకంగా కమిటీలో లేని కళాకారులను వాడ వద్దని అనిరుధ్‌కు తెలియజేసినట్టుగా తెలిపారు. అయితే తాజాగా సినిమా రికార్డింగ్‌ పూర్తయిందని తెలియటంతో అంతా షాక్‌ అయ్యామన్నారు. Also Read: కమిటీ పదే పదే రిక్వెస్ట్ చేసినా అనిరుధ్‌ పట్టించుకోకపోవటంపై వారు సీరియస్‌ అవుతున్నారు. అనిరుధ్ మీద చర్యలు తీసుకునేందుకు వారు సిద్ధమవుతున్నట్టుగా తెలుస్తోంది. అయితే ఈ వివాదంలోకి రజనీని కూడా లాగుతున్నారు. త్వరలో రాజకీయాల్లోకి రావాలనుకుంటున్న రజనీ, తన సినిమా విషయంలోనే తమిళులకు అన్యాయం జరగటంపై స్పందించాలని వారు కోరుతున్నారు. మరి ఈ వివాదం ఎక్కడి వరకు వెళుతుందో చూడాలి.

from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2ZTF9mp