‘‘మహేష్ గురించి మాట్లాడటానికి ఒక చిన్న సమస్య ఉంది. మహేష్ గురించి ఎక్కువ చెప్తే ఆయనకి నచ్చదు. మహేష్ గురించి తక్కువ చెబితే మీకు నచ్చదు. మధ్యలో నేను ఇరుక్కుపోతూ ఉంటాను’’ అని నటుడు, సూపర్ స్టార్ మహేష్ బాబు బావమరిది సుధీర్ బాబు అన్నారు. మహేష్ బాబు హీరోగా నటించిన ‘సరిలేరు నీకెవ్వరు’ మెగా సూపర్ ఈవెంట్ ఆదివారం హైదరాబాద్‌లోని ఎల్బీ స్టేడియంలో జరిగిన విషయం తెలిసిందే. ఈ ఈవెంట్‌కు మెగాస్టార్ చిరంజీవి ప్రత్యేక అతిథిగా విచ్చేశారు. ఈ వేడుకలో భాగంగా సుధీర్ బాబు మాట్లాడుతూ మెగాస్టార్ చిరంజీవిపై ప్రశంసల వర్షం కురిపించారు. అప్పటికి ఇంకా చిరంజీవి రాలేదు. ‘‘ఎప్పుడైనా కృష్ణగారు, మహేష్ నాకు హార్డ్ వర్క్ గురించి చెబుతుంటే నిలువెత్తు నిదర్శనం చిరంజీవి గారు కనిపిస్తారు. ఆయన ఒక స్ఫూర్తి, రోల్ మోడల్. నాకే కాదు ఇక్కడ ఉన్న చాలా మందికి ఆయనొక రోల్ మోడల్. ఈ విషయంలో ఎలాంటి అనుమానం లేదు. ఆయన్ని ఈరోజు ఇక్కడ చూడబోతుండటం చాలా సంతోషంగా ఉంది’’ అని సుధీర్ బాబు చెప్పారు. Also Read: లేడీ సూపర్ స్టార్ విజయశాంతికి మళ్లీ సినిమాల్లోకి ఆహ్వానం పలికారు సుధీర్ బాబు. ఆమెను తెరపై చూడటానికి చాలా ఆత్రుతగా వేచి చూస్తున్నానని అన్నారు. ఇక నిర్మాత దిల్ రాజు గురించి మాట్లాడుతూ.. ‘‘ఏంటన్నా.. వరుసపెట్టి మహేష్‌ను అలా బుక్ చేసేసుకున్నారు. వేరే ప్రొడ్యూసర్స్‌కి ఛాన్స్ కూడా ఇవ్వరా మీరు? సాధారణంగా మీ బ్యానర్‌లో కొత్త హీరోలతో, అప్ కమింగ్ హీరోలతో సినిమాలు చేస్తూ ఉంటారు. అలాగే, ఈ మధ్య కొత్త కొత్త ప్రొడక్షన్ హౌస్‌లు (తనను తాను చూపించుకుంటూ) మొదలయ్యాయి. వాళ్లకూ కొంచెం ఛాన్స్ ఇవ్వండి’’ అంటూ సుధీర్ బాబు నవ్వించారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/39Ft4WH
No comments:
Post a Comment