నటించిన ‘రాట్చసి’ సినిమాకు మలేషియాకు చెందిన విద్యా శాఖ మంత్రి మజ్లీ బిన్ మాలిక్ ఫిదా అయ్యారు. కొన్ని నెలల క్రితం విడుదలైన ఈ సినిమాలో ప్రభుత్వ పాఠశాలల దీనస్థితిని కళ్లకు కట్టినట్లు చూపించింది. పరిస్థితిని ఎలా మెరుగుపరుచుకోవాలని అన్న విషయంపై సినిమాను తెరకెక్కించారు. సినిమా మొత్తం ప్రభత్వ పాఠశాలలు, చదువుల నేపథ్యంలో ఉండటంతో మాలిక్ వృత్తి పరంగా సినిమాకు కనెక్ట్ అయ్యారు. ఈ సినిమా గురించి తన అభిప్రాయాలను వెల్లడిస్తూ సోషల్ మీడియాలో ఓ పోస్ట్ పెట్టారు. ‘కొన్ని నెలల క్రితం ‘రాట్చసి’ సినిమా విడుదలైంది. సోమవారం రాత్రి నేను ఈ సినిమాను వీక్షించాను. ఈ సినిమాపై రివ్యూ రాసేందుకు నేను ఓ ఆర్టికల్ను రాస్తాను. ఇది ప్రతి ఒక్కరూ తప్పకుండా చూడాల్సిన సినిమా. కథ చాలా అద్భుతంగా ఉంది. సినిమాలో జ్యోతిక పాత్ర చాలా పర్ఫెక్ట్గా ఉంది. విద్యా శాఖ మంత్రిగా ఈ సినిమా నాకు ఎంతో విభిన్నంగా అనిపించింది. సినిమాలోని ప్రతి సన్నివేశం దేశ పరిస్థితిని కళ్లకు కట్టినట్లు చూపించింది. సినిమాలో గీతా రాణి (జ్యోతిక పాత్ర పేరు) ఓ సూపర్ హీరో క్యారెక్టర్ అనే చెప్పాలి. మార్పు అనేది సాధ్యమేనని ఆమె పాత్ర నిరూపించింది. మనం ఛేదించాల్సిన ఎన్నో పాలసీలను ఈ సినిమాలో చూపించారు. ఉదాహరణకు ఉచిత అల్పాహార ప్రోగ్రామ్. టీచర్లు పాఠశాలల్లోని విద్యార్థులతో కలిసి భోజనం చేస్తే బాగుంటుందని నా అభిప్రాయం. పిల్లలు ఎందుకు చదువు మానేస్తున్నారు అన్న విషయాన్ని కూడా గ్రహించాలి. ఇప్పుడు మేం ఇవే పాలసీలపై దృష్టిసారిస్తున్నాం. కాబట్టి టీజర్లు, పేరెంట్స్, స్టూడెంట్స్.. అందరూ ఈ సినిమాను చూడాలని నేను కోరుకుంటున్నాను’ అని పేర్కొన్నారు. ఈ సినిమాకు గౌతరాజు దర్శకత్వం వహించారు. డ్రీమ్ వారియర్ పిక్చర్స్పై ఎస్ ఆర్ ప్రభు నిర్మాతగా వ్యవహరించారు. అయితే ఈ సినిమా విడుదలైనప్పుడు రివ్యూలు మాత్రం బాాగా రాలేదు. సినిమా మొత్తంలో జ్యోతిక భారీ డైలాగులు చెబుతూ నడిపించేశారని పలువురు క్రిటిక్స్ అన్నారు. స్క్రీన్ ప్లే కూడా బాగా లేదని రివ్యూల్లో పేర్కొన్నారు. సినిమాలో జ్యోతిక పాత్రకు తగ్గ ప్రతినాయకుడు లేకపోవడం మైనస్ పాయింట్గా మారిందని మరికొందరన్నారు. ఏదేమైనా మన సినిమా గురించి మనం బాగా మాట్లాడుకోకపోయినా కనీసం ఇతర దేశాల్లోనైనా వీటిని ఆదరించేవారున్నారు. సినిమా తమిళంలో తెరకెక్కింది కాబట్టి తెలుగు ప్రేక్షకులు ఎవ్వరూ చూడలేకపోయారు. కానీ తమిళ వాసులు చూసినప్పుడు అక్కడి రాజకీయ నేతలు కానీ, ప్రభుత్వాధికారులు కానీ సినిమా గురించి సోషల్ మీడియా ద్వారా వెల్లడించడం కానీ.. యువతకు స్ఫూర్తినిచ్చేలా ఉందని రెండు మాటలు చెప్పడం కానీ ఏదీ చేయకపోవడం గమనార్హం.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2HCRbJ6
No comments:
Post a Comment