డార్లింగ్ వ్యక్తిత్వం గురించి ఎంత చెప్పినా తక్కువే. పాన్ ఇండియా స్టార్గా కీర్తించబడుతున్నా ఎక్కడా హంగు ఆర్భాటాల జోకిలి పోకుండా సింప్లిసిటీ మెయిన్టైన్ చేస్తుంటారాయన. ఇక తన తోటి నటీనటులతో ఎంతో స్నేహంగా మెలిగే ప్రభాస్, అప్పుడప్పుడు వారిని సర్ప్రైజ్ చేస్తుంటారు. ఈ క్రమంలోనే బాలీవుడ్ నటి భాగ్య శ్రీకి ఓ సర్ప్రైజ్ పంపించారు ఈ యంగ్ రెబల్ స్టార్. దీంతో ప్రభాస్ పంపిన ఈ గిఫ్ట్ తన ట్విట్టర్ వేదికగా అందరికీ చూపిస్తూ ఆసక్తికర కామెంట్స్ చేశారు . ప్రభాస్ ఇల్లంటే రుచికరమైన వంటలకు కేరాఫ్ అడ్రస్ అనే టాక్ ఉంది. అప్పుడప్పుడూ షూటింగ్లో ఉన్న వారి కోసం ఈ వంటకాలు తెప్పిస్తుంటారు ప్రభాస్. వారింట్లో చేసే గోదావరి వంటకాలంటే నటీనటులకు చాలా ఇష్టం కూడా. అయితే ఈ సారి మాత్రం తన సహ నటి భాగ్య శ్రీ కోసం పూతరేకులు గిఫ్ట్గా పంపించారు ప్రభాస్. ఈ గిఫ్ట్ ప్యాక్ అందుకున్న భాగ్య శ్రీ.. ''రుచికరమైన హైదరాబాదీ స్వీట్లు అందాయి. థ్యాంక్స్ ప్రభాస్. ఈ స్వీట్లు తినిపించి నా అభిరుచిని మార్చేశావు (యూ స్పాయిల్ మి)'' అని కామెంట్ చేశారు. దీంతో ఈ ట్వీట్ నెట్టింట వైరల్గా మారింది. ప్రస్తుతం ప్రభాస్ హీరోగా రూపొందుతున్న 'రాధే శ్యామ్' సినిమాలో భాగ్య శ్రీ కీలకపాత్ర పోషిస్తున్నారు. రాధాకృష్ణ రూపొందిస్తున్న ఈ పిరియాడికల్ లవ్ స్టోరీని ఏకంగా ఐదు భాషల్లో ప్రేక్షకుల ముందుకు తీసుకురానున్నారు. గోపీకృష్ణ బ్యానర్, యూవీ క్రియేషన్స్ సంయుక్తంగా నిర్మిస్తున్న ఈ చిత్రంలో ప్రభాస్ సరసన పూజా హెగ్డే హీరోయిన్గా నటిస్తోంది. సినిమాపై రెబల్ స్టార్ ఫ్యాన్స్ ఓ రేంజ్ అంచనాలు పెట్టుకున్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3jAJMOc
No comments:
Post a Comment