రాను రాను సోషల్ మీడియా హవా పెరిగిపోతోంది. యూట్యూబ్, ఫేస్ బుక్ లాంటి సామాజిక మాధ్యమాల్లో ప్రతి ఒక్కరికీ సమాచారాన్ని పంచుకునే అవకాశం వచ్చేసింది. అంతేకాదు సామాజిక మాధ్యమాలు ఆదాయ మార్గాలుగా కూడా మారడంతో లైక్స్‌, వ్యూస్‌ కోసం ఫేక్ కంటెంట్ అప్లోడ్ చేస్తున్నారు కొందరు. అది నిజం కాదని తెలిసే లోపే సదరు కంటెంట్ వైరల్ కావడం, దానిపై చర్చలు ముదరడం సర్వ సాధారణం అయింది. హీరో విషయంలోనూ అదే జరిగింది. ఆయన చనిపోయాడంటూ ఫేక్ థంబ్‌నెయిల్‌తో ఓ యూట్యూబ్ ఛానెల్ వారు వీడియో రిలీజ్ చేశారు. యంగ్ ఏజ్‌లో మరణించిన సౌత్‌ ఇండియాకు చెందిన 10 మంది తారలు అంటూ ఓ వీడియో అప్లోడ్ అయింది. ఈ వీడియో థంబ్‌నైల్‌పై హీరోయిన్స్ ఆర్తి అగర్వాల్‌, ఫొటోలతో పాటు హీరో సిద్దార్థ్ ఫొటో కూడా వేసేశారు. దీంతో ఇది చూసిన ఓ నెటిజన్ దాన్ని స్క్రీన్ షాట్ తీసి తన ట్విట్టర్ ఖాతాలో పోస్ట్ చేశాడు. దారుణం, అరాచకం అనే హ్యాష్ టాగ్స్ వాడుతూ ‘ఈ థంబ్‌నైల్స్‌ ఏంటి అసలు? మీ వ్యూస్‌ కోసం ఏమైనా చేస్తారా? అని ప్రశ్నించాడు. దీంతో ఈ ట్వీట్‌ సోషల్ మీడియాలో బాగా సర్క్యులేట్ కావడం, అది హీరో సిద్దార్థ్ కంట పడటం చకచకా జరిగిపోయాయి. దీంతో వెంటనే రియాక్ట్ అయ్యాడు సిద్దార్థ్. ఇది చాలా ఏళ్ల క్రితమే జరిగిందని, ఆ సమయంలోనే దీనిపై తాను ఫిర్యాదు కూడా చేశానని పేర్కొన్నారు. దానికి సదరు యూట్యూబ్ ఛానల్ వారు క్షమించండి, ఈ వీడియోతో ఎలాంటి సమస్య లేదని అన్నారని తెలిపాడు. అంటే తప్పు చేయడమే గాక సిద్దార్థ్ ఫిర్యాదు చేసినా పెద్దగా పట్టనట్లు వాళ్ళు వ్యవహరించారని సిద్దార్థ్ చెప్పారు. దీంతో ఈ ట్వీట్‌ నెట్టింట వైరల్‌గా మారి రచ్చకు తెరలేపింది. కాగా, ఒకానొక సమయంలో యూత్ ఆడియన్స్‌ని ఆకర్షించి తనకంటూ ఫ్యాన్ బేస్ కూడగట్టుకున్న సిద్దార్థ్.. కొంత గ్యాప్ తర్వాత తిరిగి కెమెరా ముందుకొచ్చాడు. ‘మహా సముద్రం’ సినిమాతో మరోసారి ప్రేక్షకుల ముందుకు రాబోతున్నాడు. Rx 100 ఫేమ్ అజయ్ భూపతి రూపొందిస్తున్న ఈ సినిమాలో శర్వానంద్ మరో హీరోగా నటిస్తున్నాడు. ఇప్పటికే విడుదలైన ‘మహా సముద్రం’ అప్‌డేట్స్ సినిమాపై హైప్ పెంచేశాయి.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3iteK93
No comments:
Post a Comment