సోషల్ మీడియాలో అల్లు వారి సందడి మామూలుగా ఉండదు. నిత్యం అప్డేట్లతో ట్రెండింగ్‌లో ఉంటారు. భర్త, పిల్లలు చేసే అల్లరిని ఎప్పటికప్పుడు సోషల్ మీడియాలో షేర్ చేస్తుంటారు. ఈ మధ్య అల్లు స్నేహారెడ్డి ఎక్కువగా రీల్స్ చేస్తూ బిజీగా ఉంటున్నారు. అర్హతో కలిసి స్నేహారెడ్డి చేసే రీల్ వీడియోలు బాగానే వైరల్ అవుతున్నాయి. ఆ మధ్య అయితే బన్నీ చేసే అల్లరి, ఇద్దరు పిల్లలు ఇంట్లో చేసే సందడిని సోషల్ మీడియాలో షేర్ చేయగా అవి తెగ వైరల్ అయ్యాయి. ఇప్పుడు తాజాగా స్నేహారెడ్డి ఓ వీడియోను షేర్ చేశారు. ఇందులో అర్హ, అయాన్‌లు కొత్త అవతారాన్ని ఎత్తారు. అసలే ఆన్ లైన్ క్లాసులు ప్రారంభం అవ్వడంతో ఇద్దరూ బిజీగా ఉంటున్నారు. అలా ఖాళీ సమయం దొరికినప్పుడు మాత్రం ఇళ్లు పీకి పందిరి వేస్తున్నట్టున్నారు. అలా తాజాగా ఈ ఇద్దరూ చేసిన అల్లరిని సోషల్ మీడియాలో స్నేహారెడ్డి షేర్ చేశారు. ఇద్దరూ కూడా వెరైటీ గెటప్పుల్లో ఆకట్టుకుంటున్నారు. దెయ్యాల్లా మారిపోయి.. తెల్లటి వస్త్రాలను ధరించారు. పూర్తిగా ముసుగు కప్పుకున్నట్టుగా తెల్లటి వస్త్రాన్ని కప్పుకున్నారు. ఇక కళ్లద్దాలు పెట్టుకోవడంతో వెరైటీగా అనిపిస్తుంది. ఇద్దరూ కూడా డ్యాన్సులు చేస్తూ దెయ్యాల్లా భయపెట్టాలని చూశారు. ఇక ఇందులో బుల్లి అర్హ వేసిన చిన్న స్టెప్పులు మాత్రం అందరినీ ఆకట్టుకుంటున్నాయి. ప్రస్తుతం ఈ వీడియో నెట్టింట్లో తెగ హల్చల్ చేస్తోంది.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3xN6IhK
No comments:
Post a Comment