అక్కినేని ఏజెంట్ అంటూ తన కొత్త సినిమాను ప్రారంభించేసిన సంగతి తెలిసిందే. అఖిల్ ప్రస్తుతం వరుసగా హిట్లు అందుకునేందుకు రెడీగా ఉన్నట్టు కనిపిస్తోంది. వరుస ఫ్లాపుల తరువాత అఖిల్ కొత్త కథలను ఎంచుకుంటున్నారు. ఈ క్రమంలోనే మోస్ట్ ఎలిజబుల్ బ్యాచ్‌లర్ సినిమాకు ఓకే చెప్పేశారు. ఇప్పటికే ఈ చిత్రం విడుదల కావాల్సింది. కానీ కరోనా వల్ల వాయిదా పడింది. మొత్తానికి షూటింగ్ పూర్తి చేసుకున్న ఈ మూవీ విడుదలకు సిద్దంగానే ఉంది. అయితే ఇప్పుడు అఖిల్ తన కొత్త ప్రాజెక్ట్‌ను మొదలుపెట్టేశారు. సురేందర్ రెడ్డి దర్శకత్వంలో అఖిల్ ఏజెంట్‌గా కనిపించబోతోన్నారు. ఈ మేరకు అఖిల్ కూడా పూర్తిగా మారిపోయారు. కథకు తగ్గట్టుగా తన శరీరాకృతిని మార్చేసుకున్నారు. గత ఏడాది నుంచి అఖిల్ తన బాడీని మార్చుకునేందుకు ఎంత కఠోరంగా శ్రమిస్తూ వస్తున్నాడో అందరం చూస్తూనే ఉన్నాం. నిత్యం వర్కవుట్లతో అఖిల్ బిజీగా ఉండేవారు. ఇక పూర్తిగా ఏజెంట్ లుక్‌లోకి అఖిల్ మారిపోయారు. మొన్నీ మధ్యే షూటింగ్ ప్రారంభించారు. ఈ మేరకు చిత్రయూనిట్ ఓ పోస్టర్‌ను వదిలారు. అందులో అఖిల్ సిక్స్ ప్యాక్ చూసి అంతా షాక్అయ్యారు. ఇక ఆయన వదిన కూడా అవాక్కైనట్టు కనిపిస్తోంది. కాస్త లేటుగానే అయినా కూడా ఏజెంట్ లుక్ మీద సమంత స్పందించారు. మ్యాడ్ నెస్ అంటూ అగ్గి రాజేస్తున్నావ్ అన్నట్టుగా ఎమోజీలను షేర్ చేశారు. సమంత ప్రశంసలకు స్పందించిన అఖిల్ థ్యాంక్యూ సామ్ అని రిప్లై ఇచ్చారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3wFw3bX
No comments:
Post a Comment