చియాన్ విక్రమ్ తనయుడు ధృవ్ విక్రమ్ ఆదిత్య వర్మ చిత్రంతో వెండితెరకు పరిచయం అవుతున్నారు.. ఈ-4 ఎంటర్‌టైన్‌మెంట్ బ్యానర్‌పై మెహతా నిర్మాతగా రూపుదిద్దుకుంటోంది ఈ సినిమా. గిరిసాయా డైరెక్టర్. తెలుగులో సంచలనం సృష్టించి రికార్డులు బద్దలు కొట్టిన అర్జున్ రెడ్డి మూవీకి ఇది అఫీషియల్‌ తమిళ రీమేక్‌. నూతన నటి బనిత సందూ హీరోయిన్‌. ప్రియా ఆనంద్ కూడా ప్రత్యేక పాత్రలో నటిస్తోంది. అర్జున్ రెడ్డి బాలీవుడ్‌లోనూ కబీర్ సింగ్‌గా తెరకెక్కించి దర్శకుడు సందీప్ రెడ్డి వంగా రికార్డులు బ్రేక్ చేశాడు. అలాంటి కల్ట్ స్టోరిని సెలెక్ట్ చేసుకుని ధృవ్ నిజంగానే సాహసం చేశాడు. వాస్తవానికి ఈ చిత్రం బాలా దర్శకత్వంలో రూపుదిద్దుకున్నప్పటికీ.. కొన్ని అనివార్య కారణాల వల్ల మళ్లీ పూర్తి చిత్రాన్ని రీ షూట్ చేశారు. గతంలో విడుదలైన టీజర్‌లో ఆదిత్య వర్మ ఆశించిన స్థాయిలో ఆకట్టుకోలేకపోయాడు. ముఖ్యంగా హీరో పాత్రకు ధృవ్ వయసు సరిపోలేదని విమర్శలు వినిపించాయి. మెడిసిన్, పీజీ పూర్తి చేసిన వ్యక్తిగా ధృవ్ కనిపించలేదని సినీ విశ్లేషకుల అభిప్రాయం. నటన పరంగా మెప్పించినా లుక్ కన్విన్సింగ్‌గా ఉండాలని అభిమానులు కోరుకుంటున్నారు. ఇలాంటి అంచనాల మధ్య రిలీజైన ట్రైలర్‌లో.. ఈసారి కొత్తగా ఏం చూపించారో తెలుసుకుందామా. రీ షూట్ చేయడం వల్లో..లేదా ప్రతి సీన్ మళ్లీ మళ్లీ నటించడం వల్లో తెలీదు కానీ ధృవ్ నటన విషయంలో చాలా మెరుగయ్యాడనిపిస్తోంది. కాలేజ్ డేస్‌లోని యంగ్ లుక్.. నుంచి డిప్రెషన్ డాక్టర్‌గా కనిపించడంలో పరిణితి సాధించాడు. విజయ్ దేవరకొండను ఇమిటేట్ చేయకుండా తాను పాత్రలో లీనమై నటించాడు అనిపిస్తోంది. మీరా పాత్రలో బనిత సందూ ఒదిగిపోయిందే అన్నట్లుంది. వాళ్లిద్దరి మద్య వచ్చే డైలాగ్స్ తమిళ ప్రేక్షకులకు హైలైట్‌గా అనిపిస్తాయి. అగ్రిసివ్ యాంగిల్ ధృవ్ మెచ్యూర్‌గా యాక్ట్ చేశాడు. రెండోసారి షూట్ చేస్తున్నారనుకున్నాడేమో చాలా ఛాలెంజింగ్‌గా తీసుకుని నటించాడని అర్థమవుతోంది. లుక్స్ విషయంలోనూ డైరెక్టర్ కేర్ తీసుకున్నట్లు స్పష్టంగా కనపిస్తోంది. ఇంచుమించు సినిమా స్టోరి లైన్ మొత్తం ఈ ట్రైలర్‌లో చూపించేసింది చిత్రబృందం. ప్రతి ఫ్రేములో ధృవ్ పడిన కష్టం కనిపిస్తుంది. రధన్ మ్యూజిక్ సహజంగా ఫీల్ లోకి తీసుకెళ్లింది. మొత్తానికి దర్శకుడు గిరిసాయా ఆదిత్య వర్మను తెరకెక్కించిన విధానం బాగుందనిపిస్తోంది. ఈ చిత్రం దీపావళికి రిలీజ్ అవ్వాల్సింది. కానీ చిత్రబృందం పెద్ద సినిమాల బరిలో ఎందుకులే అనుకుంటోందని సమాచారం. అన్ని కుదిరితే నవంబర్లో విడుదల చేయాలని భావిస్తున్నారు. మరీ ఈ తమిళ అర్జున్ రెడ్డి ఎంతవరకూ మెప్పిస్తాడో చూడాలి.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2BD3UYJ
No comments:
Post a Comment