‘సాగరకన్య’కు భారీ ఊరట.. విషయం ఇదే!

విక్టరీ వెంకటేశ్ నటించిన సాహరవీరుడు.. సాగరకన్య సినిమా పేరుచెబితే అందరికీ టక్కున గుర్తుకు వచ్చేది చెప్పపిల్ల వేషం వేసిన బాలీవుడ్ హీరోయిన్ శిల్పా శెట్టినే. ఆమె అందచందాలు, గ్లామర్‌కు తెలుగు ఆడియన్స్ ఫిదా అయిపోయారంటే అతిశయోక్తి కాదేమో. ఈ అమ్మడు ఇప్పటికీ కూడా జీరో సైజ్‌ మెయింటెన్ చేస్తూ ఆడియన్స్‌కు కిక్కేక్కిస్తున్నారు. ఫిట్‌నెస్‌‌.. ఫిట్‌నెస్ అని పరితపించే ఈ హీరోయిన్ యోగాసనాలు వేయడంలో కూడా దిట్టే. వ్యాయామానికి అధిక ప్రాధాన్యం ఇస్తుంటారు. వీటికి సంబంధించిన ఫోటోలు, వీడియోలను సామాజిక మాధ్యమాల్లో షేర్ చేస్తూ అభిమానులకు టచ్‌లో ఉంటారు. ప్రముఖ వ్యాపారవేత్త రాజ్ కుంద్రాను పెళ్లిచేసుకొని జీవితం కొనసాగిస్తున్న శిల్పాశెట్టి తాజాగా మరోసారి వార్తల్లో నిలిచారు. రాజస్తాన్ రాయల్స్ ఐపీఎల్ టీమ్‌కు ఇదివరకు బ్రాండ్ అంబాసిడర్‌గా వ్యవహరించిన ఈమెకు ఇన్‌కమ్ ట్యాక్స్ అప్పిలేట్ ట్రిబ్యునల్ (ఐటీఏటీ) నుంచి ఆదాయపు పన్ను సంబంధిత కేసుకు సంబంధించి భారీ ఊరట లభించింది. శిల్పా శెట్టి 2010-11 ఆర్థిక సంవత్సరంలో పన్ను ఆదాయం రూ.7.6 కోట్లుగా ప్రకటించారు. అయితే అసెస్‌మెంట్ తర్వాత ఆదాయపు పన్ను అధికారులు ఈ మొత్తాన్ని రూ.13 కోట్లుగా లెక్కగట్టారు. ఈమె రాజస్తాన్ రాయల్స్‌ టీమ్‌కు అంబాసిడర్‌గా వ్యవహరించినందుకు ఎలాంటి ఆదాయాన్ని వెల్లడించలేదు. అందువల్ల ట్రాన్స్‌ఫర్ ప్రైసింగ్ నిబంధనల ప్రకారం రూ.5.4 కోట్లను ఆమె ఆదాయానికి జతచేస్తామని ఇన్‌కమ్ ట్యాక్స్ డిపార్ట్‌మెంట్ ట్రిబ్యునల్‌ను ఆశ్రయించింది. అయితే ఇప్పుడు ట్రిబ్యునల్ ఇది కుదరదని తీర్పు వెలువరించింది.

from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2KPmhR4