దర్శకధీరుడు అద్భుత సృష్టిని చూసి ఎవ్వరైనా ఆశ్చర్యపోవాల్సిందే. బాహుబలి సినిమాను చూసి అంతర్జాతీయ సినీ ప్రేమికులు కూడా ముచ్చటపడ్డారు. విదేశాల్లోని ఎన్నో వేదికల మీద బాహుబలి తన సత్తాను చాటింది. అలాంటి చిత్రం తరువాత రాజమౌళి తెరకెక్కిస్తోన్న సినిమా మీద అందరి దృష్టి పడింది. RRR సినిమా నుంచి వచ్చిన పోస్టర్లు, టీజర్లు ఇప్పటికే నెట్టింట్లో సునామిని సృష్టించాయి. అనేక మార్లు వాయిదా పడుతూ వస్తున్న RRR మీద అంతకంతకూ అంచనాలు పెరుగుతూనే వస్తున్నాయి. షూటింగ్‌లో హీరోలకు గాయాలు అవ్వడం వల్ల, కరోనా రావడం వల్ల ఇలా ఎన్నెన్నో కారణాలతో RRR పలుమార్లు వాయిదా పడింది. ఈ చిత్రం ఇప్పుడు మళ్లీ సెట్స్ మీదకు వెళ్లింది. దాదాపు మూడు నెలల గ్యాప్ తరువాత RRR షూటింగ్ మొదలైంది. అయితే ఈ సందర్బంగా అందరికీ ఓ అప్డేట్ ఇచ్చేందుకు చిత్రయూనిట్ ముందుకు వచ్చింది. ఆ మధ్య ఫస్ట్ వేవ్ తరువాత షూటింగ్ మొదలుపెట్టిన చిత్రయూనిట్ మేకింగ్ వీడియోను వదిలింది. ఇక RRR గర్జన అంటూ మరో వీడియోను వదిలారు. అదిరిపోయేలా ఉన్న ఈ వీడియోలో , దుమ్ములేపేశారు. ఇక ఇందులో శ్రియా, అజయ్ దేవగణ్, అలియా భట్ ఇలా అందరినీ చూపించారు. యాక్షన్ సీక్వెన్‌లు ఎలా ఉండబోతోన్నాయో చిన్న ఉదాహరణగా ఈ వీడియో ఉంది. నెవ్వర్ బిఫోర్ అనేలా ఇండియన్ స్క్రీన్ మీద రాజమౌళి మరోసారి మ్యాజిక్ క్రియేట్ చేసేందుకు రెడీ అవుతున్నారు. మరీ ముఖ్యంగా రామ్ చరణ్, ఎన్టీఆర్ మధ్య వచ్చే సీన్స్, ఆ ఇద్దరూ కలిసి చేసే యాక్షన్ సీక్వెన్స్, అందుకోసం భారీ ఎత్తున వేసిన సెట్లు, వందల మంది యుద్ద సన్నివేశాలు అదిరిపోయేలా ఉన్నాయి. మొత్తానికి గర్జన మాత్రం ఇప్పుడు దేశ వ్యాప్తంగా వినిపిస్తోంది. ముందు ప్రకటించిన మాదిరిగానే అక్టోబర్ 13న ఈ మూవీ రాబోతోంది.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3eiCCus
No comments:
Post a Comment