సూపర్ స్టార్ రాజకీయ రంగ ప్రవేశం ఎన్నో దశాబ్దాల నుంచి నానుతూ వస్తోన్న వ్యవహారం. దాదాపు 90వ దశకం నుంచి రజినీ రాజకీయ ఎంట్రీపై రకరకాల కామెంట్లు వినిపిస్తూ వచ్చాయి. తన సినిమాల్లోనూ పొలిటికల్ డైలాగ్లు ఎక్కువగానే వినిపిస్తూ వచ్చాయి. అందులోనూ తాను ఇప్పుడే రానని, ఆసక్తి లేదన్నట్టుగానే డైలాగ్లు పేల్చేవారు. అయితే జయలలిత మరణంతో తమిళనాడులో రాజకీయ శూన్యత ఏర్పడింది. ఇదే సరైన సమయం అని అనుకున్న రజినీ రాజకీయాల వైపు అడుగులువేయడం ప్రారంభించారు. అలా ఒక అడుగు ముందుకు పది అడుగులు వెనక్కి అన్నట్టుగానే రజినీ రాజకీయ ప్రకటన సాగింది. అయితే చివరకు రాజకీయాల్లోకి దూకేస్తోన్నాను అని ప్రకటించేశారు. గత ఏడాది డిసెంబర్ మొదటి వారంలో పార్టీపై ప్రకటన చేశారు.కానీ సడెన్గా ఆరోగ్యం దెబ్బ తినడంతో చివరి వారంలో వెనక్కి తగ్గారు. మొత్తానికి రాజకీయాల్లోకి రాలేనని, ఆరోగ్యం బాగా లేనందున ఇలాంటి పరిస్థితిలో వచ్చి తాను ఎవ్వరినీ ఇబ్బంది పెట్టదలుచుకోలేదని చెప్పుకొచ్చారు. ఆ సమయంలో రజినీ అభిమానులు, కార్యకర్తలు నానా రచ్చ చేశారు. రాజకీయాల్లోకి రావాలి అంటూ తలైవాను ఇబ్బంది పెట్టారు. అలా తనను బాధపెట్టొద్దని, ధర్నాలు చేయొద్దని రజినీ వేడుకున్నారు. అయితే మళ్లీ నేడు రజినీ రాజకీయ ప్రవేశం గురించి చర్చలు మొదలయ్యాయి. దీంతో రజినీ తన పార్టీని పూర్తిగా రద్దు చేస్తున్నానని, అనేది ఇకపై కేవలం అభిమాన సంక్షేమ సంఘంగానే ఉంటుందని తెలిపారు. భవిష్యత్తులో రాజకీయాల్లోకి వెళ్లను అని స్ఫష్టం చేశారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3AMFedX
No comments:
Post a Comment