సౌత్ ఇండియన్ సినిమాల్లో తనకంటూ స్పెషల్ ఇమేజ్ క్రియేట్ చేసుకొని భారీ ఫాలోయింగ్ కూడగట్టుకుంది మిల్కీ బ్యూటీ . పలు దక్షిణాది భాషల్లోని స్టార్ హీరోలతో ఆడిపాడిన ఈ ముద్దుగుమ్మ మిల మిల మెరిసే చర్మ సౌందర్యంతో ప్రేక్షకులను బాగా అట్రాక్ట్ చేసింది. గత పదిహేనేళ్లుగా అదే అందంతో మాయ చేస్తున్న ఆమె.. ప్రస్తుతం పలు సినిమాలతో బిజీగా ఉంది. ఈ నేపథ్యంలో తాజాగా తన బ్యూటీ సీక్రెట్ రివీల్ చేసింది తమన్నా. ఎప్పటికప్పుడు ట్రెండ్ ఫాలో అవుతూ సరికొత్త రూటులో వెళుతున్న తమన్నా.. ‘మాస్టర్‌ చెఫ్‌’ అనే కుకింగ్ షో తెలుగు వెర్షన్‌తో హోస్ట్‌గా ఎంట్రీ ఇవ్వటానికి సిద్ధమవుతోంది. అయితే మనిషి ఆహారపు అలవాట్లే అందాన్ని, శరీరాకృతిని కంట్రోల్‌లో ఉంచుతామని చెప్పిన ఆమె.. తన విషయానికొస్తే, ప్రతి రోజు సాయంత్రం ఐదున్నర గంటలకు భోజనం చేసి, మళ్లీ తెల్లవారి ఉదయం ఆరు గంటలకు టిఫిన్‌ చేసేదాన్నని.. 12 గంటల పాటు ఏమీ తినకుండా ఉండడం వల్ల తన చర్మకాంతి మెరుగు పడటమే గాక, చక్కగా నిద్రపట్టేదని చెప్పుకొచ్చింది. ఆ కారణంగానే గతంలో కంటే ఎక్కువ ఉత్సాహంగా ఉంటున్నానని తెలిపింది. అదేవిధంగా ఇటీవల ఓ మ్యాగజైన్ కోసం ఇచ్చిన ఇంటర్వ్యూలో తన ముఖ సౌందర్యం గురించి తెలిపింది. మీరు మీ ముఖ సౌందర్యం కోసం వేసుకునే స్పెషల్ ఫేస్ ప్యాక్ ఏంటి అని ప్రశ్న వేయగా, తమన్నా క్రేజీ ఆన్సర్ ఇచ్చింది. ఉదయాన్నే లేచిన వెంటనే తన లాలాజాలం (సలైవా)ను ముఖానికి అప్లై చేస్తానని చెప్పి షాకిచ్చింది. సలైవా స్కిన్ ప్రాబ్లమ్స్ క్లియర్ చేయడంలో బాగా పని చేస్తుందని కూడా చెప్పుకొచ్చింది. ప్రస్తుతం తమన్నా.. అనిల్ రావిపూడి ఫన్ రైడ్ F3తో పాటు ''గుర్తుందా శీతాకాలం, మాస్ట్రో, సీటీమార్‌'' సినిమాల్లో నటిస్తోంది. లాక్ డౌన్ తర్వాత తిరిగి షూటింగ్స్ ఓపెన్ కావడంతో ఫుల్ బిజీ అయింది మిల్కీ బ్యూటీ.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3wML7EO
No comments:
Post a Comment