ఇప్పుడు స్టార్లుగా ఎదిగిన వారు.. ఒకప్పుడు ఒక్క పూట కడుపు నింపుకోవడం కోసం ఎన్నో కష్టాలు పడి ఉంటారు. నీళ్లు తాగి రోజంతా గడిపిన వారుంటారు. అలాంటి కష్టాలు పడ్డారు కాబట్టే వారు స్టార్లుగా ఎదిగారు. కష్టం విలువ తెలిసిన వాళ్లకు విజయం వరిస్తుందంటారు. అలా తన కెరీర్ ప్రారంభంలో ఎన్నో కష్టాలు పడ్డారు. సైడ్ కారెక్టర్లు చేసే స్థాయి నుంచి ఇండియన్ స్టార్‌గా ఎదిగారు. అయితే చదువుకునే రోజుల్లో ఆర్థిక ఇబ్బందులు ఉంటే.. పార్ట్ టైం ఉద్యోగాలు చేసుకుంటూ జీవితాన్ని కొనసాగించేవారట. విజయ్ సేతుపతి ప్రస్తుతం బుల్లితెర ప్రేక్షకులను పలకరించేందుకు రెడీ అయ్యారు. అనే ప్రోగ్రాంతో విజయ్ సేతుపతి రచ్చ చేయబోతోన్నారు. ఈక్రమంలో తన జీవితంలోని కొన్ని సంఘటనల గురించి విజయ్ చెప్పుకొచ్చారు. ప్రోగ్రామ్‌ ట్రైలర్‌ లాంఛ్‌ సందర్భంగా ఆయన పలు ఆసక్తికరమైన విషయాలను వెల్లడించారు. తాను సినిమాల్లోకి రాకముందు కుటుంబ పోషణ కోసం కొన్నాళ్లు ఫాస్ట్‌ఫుడ్‌ సెంటర్‌లో పనిచేసినట్లు తెలిపారు. చెన్నైలో చదువుకుంటున్న రోజుల్లో కాలేజీ పూర్తైన తర్వాత సాయంత్రం ఏడు గంటల నుంచి రాత్రి అర్థరాత్రి 12:30 గంటలవరకు ఫాస్ట్ ఫుడ్ సెంటర్‌లో పనిచేసేవాడినని, రాత్రి భోజనం కూడా అక్కడే చేసే వాడిని.. అంటూ పాత జ్ఞాపకాలను గుర్తుచేసుకున్నారు. అలా పనిచేసి ప్రతి నెలా రూ.750 జీతం సంపాదించుకున్నట్టు చెప్పుకొచ్చారు. అంతేకాదు మూడు నెలల పాటు టెలిఫోన్‌ బూత్‌లో కూడా పనిచేసినట్టు విజయ్ సేతపతి తెలిపారు. ఇక అప్పుడప్పుడు ఇంట్లో తానే స్వయంగా ఉల్లిసమోసా చేసుకొని తింటూ, ఒక కప్పు టీ తాగుతానని చెప్పారు. అలా ఎన్నో కష్టాలు పడ్డ విజయ్ సేతుపతి ఇప్పుడు ఇండియాలోనే విలక్షణ నటుడు, హీరోల్లో ఒకరిగా తన కంటూ ప్రత్యేకమైన స్థానాన్ని ఏర్పర్చుకున్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3ex53VT
No comments:
Post a Comment