టాలీవుడ్ సీనియర్ నటి గురించి తెలియని తెలుగు ప్రేక్షకులెవ్వరూ ఉండరు. గత మూడు నాలుగు దశాబ్దాల నుంచి తెలుగు చిత్ర సీమలో తన నటనతో ఎంతో మంది చేత కన్నీళ్లు పెట్టించారు. ఇక కామెడీలోనూ తన దైన ముద్రను వేశారు. నాటి తరం నుంచి నేటి వరకు ఎంతో మంది హీరోలకు అమ్మగా, బామ్మగా నటించి మెప్పించారు. అమ్మ పాత్రలు వేయకముందే బామ్మ పాత్రలు కూడా వేశానని అన్నపూర్ణ చెప్పుకొచ్చారు. అయితే తాజాగా ఆమె ఓ మీడియాతో మాట్లాడుతూ ఎన్నో విషయాలను బయటకు చెప్పేశారు. ఎలా మోసపోయారు? ఎవరు మోసం చేశారు? భూ సమస్యలు.. ప్రభుత్వంతో పోరాటం.. ఇండస్ట్రీలోని కొందరు వ్యక్తులు మోసం చేసిన తీరుపై అన్నింటిపైనా అన్నపూర్ణ మాట్లాడారు. దేవదాస్ కనకాల ఓ ల్యాండ్ అమ్మారని, దాని గురించి ఎక్కువగా ఎంక్వైరీ చేయకుండా కొనడం నా తప్పే అని అన్నపూర్ణ అన్నారు. ఇక ఆ ల్యాండ్ విషయం సెటిల్ చేయమని రాజీవ్ కనకాలను అడిగి అడిగి విసుగొచ్చిందని, నా నంబర్ కూడా బ్లాక్‌లో పెట్టేశారని అన్నపూర్ణ చెప్పుకొచ్చారు. నా దగ్గర ఏమీ లేదని చేతులు ఎత్తేసే వారి నుంచి ఏం తీసుకుంటామని పరోక్షంగా రాజీవ్ కనకాల మీద అన్నపూర్ణ కౌంటర్ వేశారు. అలా తన జీవితంలో జరిగిన ఎన్నో ఘటనల గురించి చెప్పుకొచ్చారు. ఇక ఇండస్ట్రీలో అక్కడివి ఇక్కడా..ఇక్కడివి అక్కడా చెబుతుంటారు కానీ నాకు అలాంటి అలవాటు లేదని అన్నపూర్ణ చెప్పుకొచ్చారు. అలా చెప్పకుండా ఉండటానికి నాకు చిన్నప్పుడే ఓ ఘటన జరిగింది అని నాటి సంగతులను అన్నపూర్ణ వివరించారు. చిన్నతనంలో ట్యూషన్ కోసం వెళ్లేదాన్ని. అక్కడ ఓ మాష్టారు ఉండేవారు. ఆ ఇంటి పక్కనే ఓ అమ్మాయి కూడా ఉండేది. ఆ అమ్మాయికి ఇవ్వమని ఉత్తరం నాకు ఇచ్చేవారు. నేను దాన్ని తీసుకెళ్లి ఆమెకు ఇచ్చేదాన్ని. అయితే ఓ సారి వాళ్లింట్లో వాళ్లకి తెలిసింది. అందరూ కలిసి నన్ను చెట్టుకి కట్టేశారు. మా అమ్మకు ఈ విషయం చెబితే.. కొట్టండి అని చెప్పారు. అలా కొడితేనే ఇంకోసారి ఇలాంటి పనులు చేయదు అని అన్నారు. ఆ ఘటనతో నాకు ఓ విషయం అర్థమైంది. ఎక్కడివి అక్కడే ఉంచాలి.. అవతలి వారి విషయాల్లో కలగజేసుకోకూడదు.. ఎవరి గురించి పట్టించుకోకూడదు అని తెలిసింది. అందుకే నేను ఎవ్వరి మాటలు వినను. ఎక్కడ విన్నవి అక్కడే మరిచిపోతాను. లేదా అస్సలు వినను. విన్నా కూడా నాకు ఏం తెలియదు అని చెప్పి తప్పుకుంటాను అని అన్నపూర్ణ తెలిపారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/36HolmZ
No comments:
Post a Comment