సీనియర్ నటి రమ్యకృష్ణ ‘బాహుబలి’ సినిమాతో శివగామిగా మారిపోయారు. ఆమెను ఈ పేరుతో పిలిచేవారే ఇప్పుడు ఎక్కువయ్యారు. తన అద్భుతమైన నటనతో ఆ పాత్రకు అంత హుందాతనం తీసుకొచ్చారామె. ‘బాహుబలి 2’ తరవాత ‘శైలజారెడ్డి అల్లుడు’ సినిమాలో అత్త పాత్రలో కనిపించారు రమ్యకృష్ణ. ఇది కూడా పవర్ఫుల్ క్యారెక్టరే. ఇప్పుడు మరో సినిమాలో నటిస్తున్నారామె. అయితే, గత సినిమాలతో పోలిస్తే ఇది స్టైలిష్ పాత్రలా కనిపిస్తోంది. చీరకట్టులో హుందాగా కనిపించిన రమ్యకృష్ణ.. ఇప్పుడు షర్ట్, ప్యాంట్లో స్టైలిష్గా కనిపించబోతున్నారు. Also Read: డాషింగ్ డైరెక్టర్ పూరి జగన్నాథ్ కుమారుడు ఆకాశ్ పూరి హీరోగా తెరకెక్కుతున్న ‘రొమాంటిక్’ చిత్రంలో రమ్యకృష్ణ ఓ కీలక పాత్రలో నటిస్తున్నారు. అనిల్ పాడూరి ఈ సినిమాకు దర్శకత్వం వహిస్తున్నారు. ఆకాశ్కు జంటగా హాట్ బ్యూటీ కేతికాశర్మ నటిస్తున్నారు. ఈ సినిమా షూటింగ్ గోవాలో జరుగుతోంది. ఈ షెడ్యూల్లో రమ్యకృష్ణ కూడా పాల్గొంటున్నారు. ఈ విషయాన్ని ఆమెనే స్వయంగా ట్విట్టర్ ద్వారా వెల్లడించారు. అందేకాదు, సెట్లో ఛార్మితో కలిసి దిగిన ఫొటోను ట్వీట్లో పొందుపరిచారు. Also Read: ‘‘గోవాలో జరుగుతున్న ‘రొమాంటిక్’ షూటింగ్లో పాల్గొనడం చాలా బాగుంది. సినిమాకు కచ్చితంగా మంచి క్రేజ్ వస్తుంది. ముఖ్యంగా యూత్కు బాగా నచ్చుతుంది. వేసవిలో సినిమా విడుదలవుతుంది. ఆకాశ్ పూరి, కేతికాశర్మ జంట అదరగొడుతుంది. అనిల్ పాడూరి ఈ చిత్రాన్ని బాగా తెరకెక్కిస్తున్నారు. పూరి జగన్నాథ్, నా రాక్షసి ఛార్మితో కలిసి పనిచేయడం చాలా సంతోషంగా ఉంది’’ అని రమ్యకృష్ణ ట్వీట్లో పేర్కొన్నారు. ఇదిలా ఉంటే, రమ్యకృష్ణ ట్వీట్కు ఛార్మి స్పందించారు. ‘‘మీరు మన ‘రొమాంటిక్’ చిత్రానికి మరింత అందాన్ని తీసుకువచ్చారు. సినిమాలో అయినా బయట అయినా మీరంటే నాకెంతో ఇష్టం’’ అని ట్వీట్లో పేర్కొన్నారు ఛార్మి. కాగా, ఆకాశ్ పూరి హీరోగా నటిస్తోన్న రెండో చిత్రం ‘రొమాంటిక్’. కేతికా శర్మ హీరోయిన్. అనిల్ పాదురి దర్శకత్వం వహిస్తున్నారు. లావణ్య సమర్పణలో పూరి జగన్నాథ్ టూరింగ్ టాకీస్, పూరి కనెక్ట్స్ బ్యానర్లపై పూరి జగన్నాథ్, ఛార్మి ఈ చిత్రాన్ని నిర్మిస్తున్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/33VnM67
No comments:
Post a Comment