డ్యాషింగ్ డైరెక్టర్ పూరీ జగన్నాథ్ కాంబినేషన్‌లో ఎనర్జిటిక్ స్టార్ రామ్ పోతినేని కథానాయకుడిగా నటించిన సినిమా ‘ఇస్మార్ట్ శంకర్’. నిధి అగర్వాల్, నభా నటేష్ కథానాయికలుగా నటించారు. ఈ సినిమా బ్లాక్ బస్టర్ విజయం అందుకుంది. అయితే ఈ సినిమాలోని ‘సిలక సిలక’ పాటకు శ్రీకాంత్ అనే కుర్రాడు వేసిన డ్యాన్స్‌కి ఫిదా అయిపోయింది సినిమాకు సహ నిర్మాతగా వ్యవహరించిన చార్మి. రామ్‌లాగే అంతే ఎనర్జిటిక్‌గా పర్‌ఫెక్ట్‌గా డ్యాన్స్ చేసిన ఆ కుర్రాడి వీడియోను ట్విటర్‌లో షేర్ చేసింది. ‘అమేజింగ్ మ్యాన్. ఎంత ఎనర్జిటిక్‌గా ఉన్నాడు. అక్కడ నేను కూడా ఉంటే బాగుండేది నీతో పాటు డ్యాన్స్ చేసేదాన్ని’ అని ట్వీట్ చేశారు. ఈ వీడియోను యతీష్ యాదవ్ అనే నెటిజన్ ఈ వీడియోను షేర్ చేశాడు. పూరీ జగన్నాథ్, రామ్, చార్మీ, నిధి అగర్వాల్‌ని ట్యాగ్ చేశాడు. చాలా కాలం తర్వాత పూరీ జగన్నాథ్‌కి, రామ్‌కి ఈ సినిమాతో మంచి సక్సెస్ వచ్చింది. బాక్సాఫీస్ వద్ద ఈ సినిమా రూ.75 కోట్లు రాబట్టింది. మెమొరీ మార్పిడి అనే కొత్త కాన్సెప్ట్‌ను ఎంచుకున్న పూరీ.. హీరో డైలాగ్స్‌కు తెలంగాణ యాస‌ను జోడించి కుర్రకారులో జోష్ పెంచాడు. తన టేకింగ్‌తో సినిమాను మరో లెవల్‌కు తీసుకెళ్లాడు. అందుకు తగ్గట్టుగానే మణిశర్మ ఇచ్చిన మ్యూజిక్ సినిమాకు ప్లస్ అయింది. పూరీ కనెక్ట్స్ బ్యానర్‌పై పూరీ జగన్నాథ్, చార్మి సంయుక్తంగా నిర్మించారు. ఈ సినిమా మంచి లాభాలను తెచ్చిపెట్టడంతో పూరీ, చార్మి, నభా నటేష్ లగ్జరీ కార్లు కూడా కొనుక్కున్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/35AEUym
No comments:
Post a Comment