సినిమా ఇండస్ట్రీకి సంబంధించి రూమర్లు రావడం సహజమే. బాలీవుడ్లో ఈ కల్చర్ మరీ ఎక్కువగా ఉంటుంది. అయితే, ఈ రూమర్లను సినిమా వాళ్లు కూడా ఖండిస్తూ ఉంటారు. కొంతమంది అయితే రూమర్లు రాసినవారిపై విమర్శలు గుప్పిస్తూ ఉంటారు. కానీ, బాలీవుడ్ యాక్షన్ కింగ్ అక్షయ్ కుమార్కు వెటకారం కాస్త ఎక్కువ కదా..! అందుకే, తనపై కల్పిత వార్త రాసిన ఒక వెబ్సైట్కు అదిరిపోయే పంచ్ ఇచ్చారు. గాలి మొత్తం తీసేశారు. నెటిజన్లకు వినోదం పంచారు. దీంతో సదరు వెబ్సైట్పై సినీ ప్రేమికులు దుమ్మెత్తిపోస్తున్నారు. అసలేం జరిగిందంటే.. అక్షయ్ కుమార్ ప్రస్తుతం ‘సూర్యవంశి’ అనే సినిమాలో నటిస్తున్నారు. మాస్ డైరెక్టర్ రోహిత్ శెట్టి ఈ సినిమాకు దర్శకత్వం వహిస్తున్నారు. కత్రినా కైఫ్ హీరోయిన్. రోహిత్ శెట్టి, కరణ్ జోహార్ నిర్మాతలు. ప్రస్తుతం ఈ సినిమా షూటింగ్ దశలో ఉంది. అయితే, ఈ సినిమా షూటింగ్లో అక్షయ్ కుమార్కి, దర్శకుడు రోహిత్ శెట్టికి మధ్య గొడవ జరిగిందని, కొట్టుకున్నారని బాలీవుడ్ హంగామా అనే వెబ్సైట్ తప్పుడు కథనం రాసింది. అంతేకాదు, వీళ్లిద్దరి మధ్య కరణ్ జోహార్ మీడియేటర్గా పనిచేస్తున్నారని కూడా పేర్కొంది. దీన్ని ‘బ్రేకింగ్ న్యూస్’ అంటూ పబ్లిష్ చేసింది. Also Read: ఇది తప్పుడు వార్త అని తెలియజేడానికి అక్షయ్ కుమార్, రోహిత్ శెట్టి, కత్రినా కైఫ్ కలిసి ఒక మంచి డ్రామాను క్రియేట్ చేశారు. ఒక హిలేరియస్ వీడియోను చేసి ట్విట్టర్లో పెట్టారు. ప్రస్తుతం ఈ ట్వీట్ తెగ వైరల్ అవుతోంది. ఈ వీడియోలో ముందుగా కత్రినా కైఫ్ స్మార్ట్ఫోన్లో ఆ తప్పుడు వార్తను చూపించారు. ‘‘వార్త చూశారు కదా, అయితే ఇప్పుడు అక్షయ్, రోహిత్ కొట్టుకోవాలి. చూడండి నిజంగానే కొట్టుకుంటున్నారు’’ అని అన్నారు. వెంటనే, ఒక డోర్లో నుంచి రోహిత్.. మరో డోర్లో నుంచి అక్షయ్ దూసుకొచ్చారు. ఒకరినొకరు కొట్టుకున్నారు. వెంటనే కొంత మంది వచ్చి వాళ్లను విడదీశారు. రోహిత్ శెట్టి, అక్షయ్ కొట్టుకొని కొట్టుకొని అలసిపోయి కింద పడిపోయారు. ఇదంతా ‘సూర్యవంశి’ సెట్లోనే చేశారు. ఈ ఒక్క వీడియోతో ఆ వెబ్సైట్ వాళ్లు మళ్లీ నోరెత్తకుండా చేశారు. ఇంత క్రియేటివ్గా ఆలోచించి తప్పుడు వార్తను ఖండించిన అక్షయ్పై నెటిజన్లు ప్రశంసల వర్షం కురిపిస్తున్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2rxcuXh
No comments:
Post a Comment