`విజయ్‌ దేవరకొండ డైరెక్ట్ చేస్తానంటే నేను ప్రొడ్యూస్‌ చేస్తా`

పెళ్లి చూపులు దర్శకుడు తరుణ్‌ భాస్కర్‌ను హీరోగా షామీర్ సుల్తాన్‌ దర్శకుడిగా పరిచయం చేస్తూ నిర్మించిన చిత్రం ‘మీకు మాత్రమే చెప్తా’. ఈ చిత్రం ఈ శుక్రవారం ప్రేక్షకుల ముందుకు వచ్చిన ఈ సినిమాకు మంచి రెస్సాన్స్‌ వస్తుండటంతో చిత్రయూనిట్ తమ ఆనందాన్ని మీడియాతో పంచుకున్నారు. ఈ "ఫన్ స్టాస్టిక్" సెలెబ్రేషన్స్ ని మీడియా తో పంచుకుంది చిత్ర యూనిట్. ఈ సందర్భంగా నటుడు అభినవ్ గోమటం మాట్లాడుతూ.... `ఈ సినిమాకు హీరో షామీర్. నిన్న థియేటర్లలో ప్రేక్షకుల రెస్పాన్స్ చూస్తుంటే మేం ముందు అనుకున్నది నిజమైంది. మా రౌడి బాయ్స్ , గళ్స్‌కు చాలా థ్యాంక్స్ . వాళ్ల వల్లే సినిమా బాగా ఆడుతుంది` అన్నారు దర్శకుడు షామీర్ సుల్తాన్ మాట్లాడుతూ... `అందరికి థ్యాంక్యూ. అన్ని చోట్ల నుంచి మంచి రెస్పాన్స్ వస్తుంది. నిన్న మూడు థియేటర్లకు వెళ్లాం. ప్రేక్షకులందరి ముఖాల్లో నవ్వులు కనిపిస్తున్నాయి. దీని కోసమే రెండేళ్లు కష్టపడ్డాను. ఈ అవకాశం ఇచ్చిన విజయ్ దేవరకొండకు థ్యాంక్స్ చెప్పడం కూడా తక్కువే. రైటింగ్‌లో తరుణ్ నాకు చాలా సహకరించారు. అభినవ్ యాక్టింగ్ కు ప్రేక్షకులు తెగనవ్వేస్తున్నారు. ఇంత నవ్వుకోడానికి నా కోడైరెక్టర్ అర్జున్ కారణం. నేను ఈ సినిమా రాస్తున్నప్పుడు ప్రేక్షకులకు ఒక సర్ ప్రైజ్ ఇవ్వాలనుకున్నాను` అన్నారు. హీరోగా మారిన దర్శకుడు తరుణ్ భాస్కర్ మాట్లాడుతూ... `నిన్న నాకు చాలా మంచి రోజు. ప్రేమతో ఇష్టంతో చేసే పనిలో దేవుడు ఉంటాడు. ఆ పని విజయవంతమవుతుంది. ఆ ఇష్టంతో విజయ్ చేసిన పనికి మంచి రిజల్ట్ వచ్చింది. ప్రేక్షకులు రెండు గంటలు పగలపడి నవ్వుతున్నారు. ఈ మూమెంట్‌ను నేను చాలా ఎంజాయ్ చేస్తున్నాను. మా సినిమాను ఆదరిస్తున్న ప్రేక్షకులకు థ్యాంక్యూ. విజయ్ ఎప్పుడు డైరెక్షన్ చేయాలనుకున్నా నేను నిర్మాతగా ఉంటా` అన్నారు. నిర్మాత విజయ్ దేవరకొండ మాట్లాడుతూ... `ఫంటాస్టిక్స్ సెలబ్రేషన్స్‌కు చాలా కారణాలున్నాయి. మా అందరి కలలు నిజమయ్యాయి. నైజాంలో 80 శాతం థియేటర్లు ఫుల్స్ అయ్యాయి. వీటన్నింటికంటే థియేటర్లన్నీ నవ్వులతో నిండిపోవడం నాకు చాలా సంతృప్తి నిచ్చింది. పెళ్లిచూపులు కంటే ఈ సినిమాకు నాలుగింతలు బడ్జెట్ ఎక్కువ. మన లైఫ్‌లు ఈ రోజుల్లో ఎంతో ఒత్తిడికి గురవుతున్నాయి. నేను ప్రతి వీకెండ్ కోసం ఎదురుచూస్తుంటా. శని, ఆదివారాల్లో ఎంజాయ్ చేస్తే నేక్స్ట్ వీక్ బాగా పనిచేస్తా. థియేటర్లలో సినిమా చూసి నవ్వే ప్రేక్షకులు నేను బాగుండాలని దీవించండి. సృజన్ అనే మరో నూతన దర్శకుడితో నా బ్యానర్‌లో మరో సినిమా ఉంటుంది. వెంటవెంటనే సినిమాలు తీయను. ఆలోచించి మంచి టాలెంటెడ్‌ టీంతో సినిమాలు తీస్తా` అన్నారు.

from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2pxYQ5y