ప్రముఖ బుల్లితెర నటుడు కౌశల్ మండకు ఓ హీరోకు ఉన్నంత పాపులారిటీ ఉంది. బిగ్ బాస్ సీజన్ 2 విజేతగా నిలిచిన కౌశల్ ఇప్పుడు మళ్లీ సీరయల్స్లో నటిస్తున్నారు. బిగ్ బాస్కి ముందు కూడా కౌశల్ సీరియల్స్లో నటిస్తుండేవారు. బిగ్ బాస్లో అవకాశం రావడంతో సీరియల్స్కి గుడ్ బై చెప్పేశారు. ఇప్పుడు ఆ సెలబ్రిటీ రియాల్టీ షోలో విన్నర్ అయినా కూడా ఆయన మళ్లీ సీరియల్స్లోనే నటిస్తున్నారు. ‘సూర్యవంశం’ అనే సీరియల్లో ఆది శంకర్ అనే పాత్రలో నటించేవారు. ఇప్పుడు ఆ పాత్రను మళ్లీ కొనసాగిస్తున్నారు. ‘ఆదిశంకర్ మళ్లీ మీ ముందు వచ్చేశాడు. ఇక మీరు నన్ను రోజూ మిస్ అవ్వరు’ అని ఇన్స్టాగ్రామ్లో ఫొటో షేర్ చేశారు. అయితే ఈ ఫొటోపై ఓ నెటిజన్ కామెంట్ చేశాడు. ‘బిగ్ బాస్ కోసం సీరియల్స్ వదులుకున్నావ్. సినిమాల అవకాశాలు లేక మళ్లీ సీరియల్స్లోకే వచ్చావ్. ఆల్ ది బెస్ట్’ అని వెక్కిరించాడు. ఇందుకు కౌశల్ తనదైన శైలిలో రిప్లై ఇచ్చారు. ‘నటనలో చిన్న పెద్ద అనే తేడా ఏమీ ఉండదు. మనల్ని ప్రేమించేవారు మనల్ని రోజూ చూడగలుగుతున్నారా లేదా అనేదే ముఖ్యం’ అని పేర్కొన్నారు. ఈ రిప్లైతో కౌశల్ మరోసారి ప్రేక్షకుల మనసు దోచుకున్నారు. చాలా బాగా చెప్పావ్ కౌశల్ అన్నా అంటూ నెటిజన్లు ఆయన్ను ఆకాశానికెత్తేస్తున్నారు. బిగ్ బాస్లో పాల్గొన్నప్పుడు ‘కౌశల్ ఆర్మీ’ పేరిట ఓ సోషల్ మీడియా ఎకౌంట్ను కూడా తెరిచారు అభిమానులు. ఆయన గెలవాలని పెద్ద ఎత్తున ర్యాలీలు కూడా చేపట్టారు. కౌశల్ని విన్నర్ చేయకపోతే బిగ్ బాస్ హౌస్కు నిప్పుపెడతామని కూడా బెదిరించినట్లు వార్తలు వచ్చాయి. ఇటీవల బిగ్ బాస్ సీజన్ 3 దిగ్విజయంగా ముగిసింది. ఎంతో ఉత్కంఠగా సాగిన ఈ సీజన్లో ప్రముఖ ర్యాపర్ రాహుల్ సిప్లిగంట్ విన్నర్గా నిలిచారు. ప్రముఖ యాంకర్ శ్రీముఖి రన్నరప్గా నిలిచారు. ఈ షోకు కింగ్ నాగార్జున హోస్ట్ చేశారు. ఫైనల్ ఎపిసోడ్లో మెగాస్టార్ చిరంజీవి గెస్ట్గా వచ్చారు. రాహుల్కు తన చేతుల మీదుగా బిగ్ బాస్ ట్రోఫీని అందించారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/32v9Gqq
No comments:
Post a Comment